੧੩. ਅਸਂਕਚ੍ਚਿਕਸਿਕ੍ਖਾਪਦਵਣ੍ਣਨਾ
ਤੇਰਸਮੇ ਅਸਂਕਚ੍ਚਿਕਾਤਿ ਅਧਕ੍ਖਕਉਬ੍ਭਨਾਭਿਮਣ੍ਡਲਸਙ੍ਖਾਤਸ੍ਸ ਸਰੀਰਸ੍ਸ ਪਟਿਚ੍ਛਾਦਨਤ੍ਥਂ ਅਨੁਞ੍ਞਾਤਸਂਕਚ੍ਚਿਕਵਿਰਹਿਤਾ. ਗਾਮਂ ਪਵਿਸੇਯ੍ਯਾਤਿ ਏਤ੍ਥ ਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਪਰਿਕ੍ਖੇਪਂ, ਅਪਰਿਕ੍ਖਿਤ੍ਤਸ੍ਸ ਉਪਚਾਰਂ ਅਤਿਕ੍ਕਮਨ੍ਤਿਯਾ ਵਾ ਓਕ੍ਕਮਨ੍ਤਿਯਾ ਵਾ ਪਠਮਪਾਦੇ ਦੁਕ੍ਕਟਂ, ਦੁਤਿਯੇ ਪਾਚਿਤ੍ਤਿਯਂ.
ਸਾਵਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਅਸਂਕਚ੍ਚਿਕਾਯ ਗਾਮਂ ਪਵਿਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ. ਯਸ੍ਸਾ ਪਨ ਸਂਕਚ੍ਚਿਕਚੀਵਰਂ ਅਚ੍ਛਿਨ੍ਨਂ ਵਾ ਨਟ੍ਠਂ ਵਾ, ਤਸ੍ਸਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ. ਅਸਂਕਚ੍ਚਿਕਤਾ, ਵੁਤ੍ਤਪਰਿਚ੍ਛੇਦਾਤਿਕ੍ਕਮੋ, ਅਨੁਞ੍ਞਾਤਕਾਰਣਾਭਾਵੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ.
ਅਸਂਕਚ੍ਚਿਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.
ਛਤ੍ਤੁਪਾਹਨਵਗ੍ਗੋ ਨਵਮੋ.