੧੨. ਅਤ੍ਤਾਨੁਦਿਟ੍ਠਿਪਹਾਨਸੁਤ੍ਤਂ

੧੬੭. ਅਥ ਖੋ ਅਞ੍ਞਤਰੋ ਭਿਕ੍ਖੁ…ਪੇ… ਏਤਦਵੋਚ – ‘‘ਕਥਂ ਨੁ ਖੋ, ਭਨ੍ਤੇ, ਜਾਨਤੋ ਕਥਂ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤੀ’’ਤਿ? ‘‘ਚਕ੍ਖੁਂ ਖੋ, ਭਿਕ੍ਖੁ, ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ. ਰੂਪੇ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ. ਚਕ੍ਖੁਵਿਞ੍ਞਾਣਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ. ਚਕ੍ਖੁਸਮ੍ਫਸ੍ਸਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ. ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ ਤਮ੍ਪਿ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ…ਪੇ… ਜਿਵ੍ਹਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ…ਪੇ… ਮਨਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ. ਧਮ੍ਮੇ… ਮਨੋਵਿਞ੍ਞਾਣਂ… ਮਨੋਸਮ੍ਫਸ੍ਸਂ… ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ ਤਮ੍ਪਿ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤੀ’’ਤਿ. ਦ੍ਵਾਦਸਮਂ.

ਨਨ੍ਦਿਕ੍ਖਯਵਗ੍ਗੋ ਸੋਲ਼ਸਮੋ.

ਤਸ੍ਸੁਦ੍ਦਾਨਂ –

ਨਨ੍ਦਿਕ੍ਖਯੇਨ ਚਤ੍ਤਾਰੋ, ਜੀਵਕਮ੍ਬਵਨੇ ਦੁਵੇ;

ਕੋਟ੍ਠਿਕੇਨ ਤਯੋ ਵੁਤ੍ਤਾ, ਮਿਚ੍ਛਾ ਸਕ੍ਕਾਯ ਅਤ੍ਤਨੋਤਿ.