੩੩੦. ਸੀਲਵੀਮਂਸਜਾਤਕਂ (੪-੩-੧੦)

੧੧੭. ਸੀਲਂ ਕਿਰੇਵ ਕਲ੍ਯਾਣਂ, ਸੀਲਂ ਲੋਕੇ ਅਨੁਤ੍ਤਰਂ;

ਪਸ੍ਸ ਘੋਰਵਿਸੋ ਨਾਗੋ, ਸੀਲਵਾਤਿ ਨ ਹਞ੍ਞਤਿ.

੧੧੮. ਯਾਵਦੇਵਸ੍ਸਹੂ ਕਿਞ੍ਚਿ, ਤਾਵਦੇਵ ਅਖਾਦਿਸੁਂ;

ਸਙ੍ਗਮ੍ਮ ਕੁਲਲਾ ਲੋਕੇ, ਨ ਹਿਂਸਨ੍ਤਿ ਅਕਿਞ੍ਚਨਂ.

੧੧੯. ਸੁਖਂ ਨਿਰਾਸਾ ਸੁਪਤਿ, ਆਸਾ ਫਲਵਤੀ ਸੁਖਾ;

ਆਸਂ ਨਿਰਾਸਂ ਕਤ੍ਵਾਨ, ਸੁਖਂ ਸੁਪਤਿ ਪਿਙ੍ਗਲਾ.

੧੨੦. ਨ ਸਮਾਧਿਪਰੋ ਅਤ੍ਥਿ, ਅਸ੍ਮਿਂ ਲੋਕੇ ਪਰਮ੍ਹਿ ਚ;

ਨ ਪਰਂ ਨਾਪਿ ਅਤ੍ਤਾਨਂ, ਵਿਹਿਂਸਤਿ ਸਮਾਹਿਤੋਤਿ.

ਸੀਲਵੀਮਂਸਜਾਤਕਂ ਦਸਮਂ.

ਕੁਟਿਦੂਸਕਵਗ੍ਗੋ ਤਤਿਯੋ.

ਤਸ੍ਸੁਦ੍ਦਾਨਂ –

ਸਮਨੁਸ੍ਸ -ਸਦੁਦ੍ਦੁਭ-ਯਾਚਨਕੋ, ਅਥ ਮੇਣ੍ਡਵਰੁਤ੍ਤਮ-ਗੋਧਵਰੋ;

ਅਥ ਕਾਯਸਕੇਪੁਕ ਭੋਤੀਵਰੋ, ਅਥ ਰਾਧਸੁਸੀਲਵਰੇਨ ਦਸਾਤਿ.