੩੦੦. ਵਕਜਾਤਕਂ (੩-੫-੧੦)

੧੪੮. ਪਰਪਾਣਰੋਧਾ [ਪਰਪਾਣਘਾਤੇ (ਸ੍ਯਾ.), ਪਰਪਾਣਰੋਚਂ (ਕ.)] ਜੀਵਨ੍ਤੋ, ਮਂਸਲੋਹਿਤਭੋਜਨੋ;

ਵਕੋ ਵਤਂ ਸਮਾਦਾਯ, ਉਪਪਜ੍ਜਿ ਉਪੋਸਥਂ.

੧੪੯. ਤਸ੍ਸ ਸਕ੍ਕੋ ਵਤਞ੍ਞਾਯ, ਅਜਰੂਪੇਨੁਪਾਗਮਿ;

ਵੀਤਤਪੋ ਅਜ੍ਝਪ੍ਪਤ੍ਤੋ, ਭਞ੍ਜਿ ਲੋਹਿਤਪੋ ਤਪਂ.

੧੫੦. ਏਵਮੇਵ ਇਧੇਕਚ੍ਚੇ, ਸਮਾਦਾਨਮ੍ਹਿ ਦੁਬ੍ਬਲਾ;

ਲਹੁਂ ਕਰੋਨ੍ਤਿ ਅਤ੍ਤਾਨਂ, ਵਕੋਵ ਅਜਕਾਰਣਾਤਿ.

ਵਕਜਾਤਕਂ ਦਸਮਂ.

ਕੁਮ੍ਭਵਗ੍ਗੋ ਪਞ੍ਚਮੋ.

ਤਸ੍ਸੁਦ੍ਦਾਨਂ –

ਵਰਕੁਮ੍ਭ ਸੁਪਤ੍ਤਸਿਰਿਵ੍ਹਯਨੋ, ਸੁਚਿਸਮ੍ਮਤ ਬਿਨ੍ਦੁਸਰੋ ਚੁਸਭੋ;

ਸਰਿਤਂਪਤਿ ਚਣ੍ਡਿ ਜਰਾਕਪਿਨਾ, ਅਥ ਮਕ੍ਕਟਿਯਾ ਵਕਕੇਨ ਦਸਾਤਿ.

ਅਥ ਵਗ੍ਗੁਦ੍ਦਾਨਂ –

ਸਙ੍ਕਪ੍ਪੋ ਪਦੁਮੋ ਚੇਵ, ਉਦਪਾਨੇਨ ਤਤਿਯਂ;

ਅਬ੍ਭਨ੍ਤਰਂ ਘਟਭੇਦਂ, ਤਿਕਨਿਪਾਤਮ੍ਹਿਲਙ੍ਕਤਨ੍ਤਿ.

ਤਿਕਨਿਪਾਤਂ ਨਿਟ੍ਠਿਤਂ.