੨੯੦. ਸੀਲਵੀਮਂਸਕਜਾਤਕਂ (੩-੪-੧੦)

੧੧੮. ਸੀਲਂ ਕਿਰੇਵ ਕਲ੍ਯਾਣਂ, ਸੀਲਂ ਲੋਕੇ ਅਨੁਤ੍ਤਰਂ;

ਪਸ੍ਸ ਘੋਰਵਿਸੋ ਨਾਗੋ, ਸੀਲਵਾਤਿ ਨ ਹਞ੍ਞਤਿ.

੧੧੯. ਸੋਹਂ ਸੀਲਂ ਸਮਾਦਿਸ੍ਸਂ, ਲੋਕੇ ਅਨੁਮਤਂ ਸਿਵਂ;

ਅਰਿਯਵੁਤ੍ਤਿਸਮਾਚਾਰੋ, ਯੇਨ ਵੁਚ੍ਚਤਿ ਸੀਲਵਾ.

੧੨੦. ਞਾਤੀਨਞ੍ਚ ਪਿਯੋ ਹੋਤਿ, ਮਿਤ੍ਤੇਸੁ ਚ ਵਿਰੋਚਤਿ;

ਕਾਯਸ੍ਸ ਭੇਦਾ ਸੁਗਤਿਂ, ਉਪਪਜ੍ਜਤਿ ਸੀਲਵਾਤਿ.

ਸੀਲਵੀਮਂਸਕਜਾਤਕਂ ਦਸਮਂ.

ਅਬ੍ਭਨ੍ਤਰਵਗ੍ਗੋ ਚਤੁਤ੍ਥੋ.

ਤਸ੍ਸੁਦ੍ਦਾਨਂ –

ਦੁਮ ਕਂਸਵਰੁਤ੍ਤਮਬ੍ਯਗ੍ਘਮਿਗਾ, ਮਣਯੋ ਮਣਿ ਸਾਲੁਕਮਵ੍ਹਯਨੋ;

ਅਨੁਸਾਸਨਿਯੋਪਿ ਚ ਮਚ੍ਛਵਰੋ, ਮਣਿਕੁਣ੍ਡਲਕੇਨ ਕਿਰੇਨ ਦਸਾਤਿ.