੨੭੦. ਉਲੂਕਜਾਤਕਂ (੩-੨-੧੦)

੫੮. ਸਬ੍ਬੇਹਿ ਕਿਰ ਞਾਤੀਹਿ, ਕੋਸਿਯੋ ਇਸ੍ਸਰੋ ਕਤੋ;

ਸਚੇ ਞਾਤੀਹਿ ਅਨੁਞ੍ਞਾਤੋ [ਞਾਤੀਹਨੁਞ੍ਞਾਤੋ (ਸੀ. ਪੀ.)], ਭਣੇਯ੍ਯਾਹਂ ਏਕਵਾਚਿਕਂ.

੫੯. ਭਣ ਸਮ੍ਮ ਅਨੁਞ੍ਞਾਤੋ, ਅਤ੍ਥਂ ਧਮ੍ਮਞ੍ਚ ਕੇਵਲਂ;

ਸਨ੍ਤਿ ਹਿ ਦਹਰਾ ਪਕ੍ਖੀ, ਪਞ੍ਞਵਨ੍ਤੋ ਜੁਤਿਨ੍ਧਰਾ.

੬੦. ਨ ਮੇ ਰੁਚ੍ਚਤਿ ਭਦ੍ਦਂ ਵੋ [ਭਦਨ੍ਤੇ (ਕ.)], ਉਲੂਕਸ੍ਸਾਭਿਸੇਚਨਂ;

ਅਕ੍ਕੁਦ੍ਧਸ੍ਸ ਮੁਖਂ ਪਸ੍ਸ, ਕਥਂ ਕੁਦ੍ਧੋ ਕਰਿਸ੍ਸਤੀਤਿ.

ਉਲੂਕਜਾਤਕਂ ਦਸਮਂ.

ਪਦੁਮਵਗ੍ਗੋ ਦੁਤਿਯੋ.

ਤਸ੍ਸੁਦ੍ਦਾਨਂ –

ਪਦੁਮੁਤ੍ਤਮ ਨਾਗਸਿਰਿਵ੍ਹਯਨੋ, ਸ-ਮਹਣ੍ਣਵ ਯੂਪ ਖੁਰਪ੍ਪਵਰੋ;

ਅਥ ਭਦ੍ਦਲੀ ਕੁਞ੍ਜਰ ਰੁਕ੍ਖ ਪੁਨ, ਖਰਵਾਚ ਉਲੂਕਵਰੇਨ ਦਸਾਤਿ.