੧੦. ਪਿਣ੍ਡਪਾਤਿਕਤ੍ਥੇਰਅਪਦਾਨਂ

੩੭. ‘‘ਤਿਸ੍ਸੋ ਨਾਮਾਸਿ ਸਮ੍ਬੁਦ੍ਧੋ, ਵਿਹਾਸਿ ਵਿਪਿਨੇ ਤਦਾ;

ਤੁਸਿਤਾ ਹਿ ਇਧਾਗਨ੍ਤ੍ਵਾ, ਪਿਣ੍ਡਪਾਤਂ ਅਦਾਸਹਂ.

੩੮. ‘‘ਸਮ੍ਬੁਦ੍ਧਮਭਿਵਾਦੇਤ੍ਵਾ, ਤਿਸ੍ਸਂ ਨਾਮ ਮਹਾਯਸਂ;

ਸਕਂ ਚਿਤ੍ਤਂ ਪਸਾਦੇਤ੍ਵਾ, ਤੁਸਿਤਂ ਅਗਮਾਸਹਂ.

੩੯. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਪਿਣ੍ਡਪਾਤਸ੍ਸਿਦਂ ਫਲਂ.

੪੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਪਿਣ੍ਡਪਾਤਿਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਪਿਣ੍ਡਪਾਤਿਕਤ੍ਥੇਰਸ੍ਸਾਪਦਾਨਂ ਦਸਮਂ.

ਸਦ੍ਦਸਞ੍ਞਕਵਗ੍ਗੋ ਛਤ੍ਤਿਂਸਤਿਮੋ.