੧੦. ਏਕਞ੍ਜਲਿਯਤ੍ਥੇਰਅਪਦਾਨਂ

੬੩. ‘‘ਰੋਮਸੋ [ਰੇਵਤੋ (ਸੀ.)] ਨਾਮ ਸਮ੍ਬੁਦ੍ਧੋ, ਨਦੀਕੂਲੇ ਵਸੀ ਤਦਾ;

ਅਦ੍ਦਸਂ ਵਿਰਜਂ ਬੁਦ੍ਧਂ, ਪੀਤਰਂਸਿਂਵ ਭਾਣੁਮਂ.

੬੪. ‘‘ਉਕ੍ਕਾਮੁਖਪਹਟ੍ਠਂਵ, ਖਦਿਰਙ੍ਗਾਰਸਨ੍ਨਿਭਂ;

ਓਸਧਿਂਵ ਵਿਰੋਚਨ੍ਤਂ, ਏਕਞ੍ਜਲਿਮਕਾਸਹਂ.

੬੫. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਅਞ੍ਜਲਿਮਕਾਸਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਅਞ੍ਜਲਿਯਾ ਇਦਂ ਫਲਂ.

੬੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਏਕਞ੍ਜਲਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਏਕਞ੍ਜਲਿਯਤ੍ਥੇਰਸ੍ਸਾਪਦਾਨਂ ਦਸਮਂ.

ਏਕਪਦੁਮਿਯਵਗ੍ਗੋ ਪਞ੍ਚਤਿਂਸਤਿਮੋ.