੧੦. ਕੁਮੁਦਮਾਲਿਯਤ੍ਥੇਰਅਪਦਾਨਂ

੫੪. ‘‘ਉਸਭਂ ਪਵਰਂ ਵੀਰਂ, ਮਹੇਸਿਂ ਵਿਜਿਤਾਵਿਨਂ;

ਵਿਪਸ੍ਸਿਨਂ ਮਹਾਵੀਰਂ, ਅਭਿਜਾਤਂਵ ਕੇਸਰਿਂ.

੫੫. ‘‘ਰਥਿਯਂ ਪਟਿਪਜ੍ਜਨ੍ਤਂ, ਆਹੁਤੀਨਂ ਪਟਿਗ੍ਗਹਂ;

ਗਹੇਤ੍ਵਾ ਕੁਮੁਦਂ ਮਾਲਂ, ਬੁਦ੍ਧਸੇਟ੍ਠਂ ਸਮੋਕਿਰਿਂ.

੫੬. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੫੭. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕੁਮੁਦਮਾਲਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਕੁਮੁਦਮਾਲਿਯਤ੍ਥੇਰਸ੍ਸਾਪਦਾਨਂ ਦਸਮਂ.

ਆਰਕ੍ਖਦਾਯਕਵਗ੍ਗੋ ਬਾਤ੍ਤਿਂਸਤਿਮੋ [ਬਤ੍ਤਿਂਸਤਿਮੋ (ਸੀ. ਸ੍ਯਾ.)].