੭. ਦੇਸਕਿਤ੍ਤਕਤ੍ਥੇਰਅਪਦਾਨਂ

੩੧. ‘‘ਉਪਸਾਲਕਨਾਮੋਹਂ, ਅਹੋਸਿਂ ਬ੍ਰਾਹ੍ਮਣੋ ਤਦਾ;

ਕਾਨਨਂ ਵਨਮੋਗਾਲ਼੍ਹਂ, ਲੋਕਜੇਟ੍ਠਂ ਨਰਾਸਭਂ.

੩੨. ‘‘ਦਿਸ੍ਵਾਨ ਵਨ੍ਦਿਂ ਪਾਦੇਸੁ, ਲੋਕਾਹੁਤਿਪਟਿਗ੍ਗਹਂ;

ਪਸਨ੍ਨਚਿਤ੍ਤਂ ਮਂ ਞਤ੍ਵਾ, ਬੁਦ੍ਧੋ ਅਨ੍ਤਰਧਾਯਥ.

੩੩. ‘‘ਕਾਨਨਾ ਅਭਿਨਿਕ੍ਖਮ੍ਮ, ਬੁਦ੍ਧਸੇਟ੍ਠਮਨੁਸ੍ਸਰਿਂ;

ਤਂ ਦੇਸਂ ਕਿਤ੍ਤਯਿਤ੍ਵਾਨ, ਕਪ੍ਪਂ ਸਗ੍ਗਮ੍ਹਿ ਮੋਦਹਂ.

੩੪. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਦੇਸਮਭਿਕਿਤ੍ਤਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਕਿਤ੍ਤਨਾਯ ਇਦਂ ਫਲਂ.

੩੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਦੇਸਕਿਤ੍ਤਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਦੇਸਕਿਤ੍ਤਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.