੮. ਸਰਣਗਮਨਿਯਤ੍ਥੇਰਅਪਦਾਨਂ

੩੬. ‘‘ਪਬ੍ਬਤੇ ਹਿਮਵਨ੍ਤਮ੍ਹਿ, ਅਹੋਸਿਂ ਲੁਦ੍ਦਕੋ ਤਦਾ;

ਵਿਪਸ੍ਸਿਂ ਅਦ੍ਦਸਂ ਬੁਦ੍ਧਂ, ਲੋਕਜੇਟ੍ਠਂ ਨਰਾਸਭਂ.

੩੭. ‘‘ਉਪਾਸਿਤ੍ਵਾਨ ਸਮ੍ਬੁਦ੍ਧਂ, ਵੇਯ੍ਯਾਵਚ੍ਚਮਕਾਸਹਂ;

ਸਰਣਞ੍ਚ ਉਪਾਗਚ੍ਛਿਂ, ਦ੍ਵਿਪਦਿਨ੍ਦਸ੍ਸ ਤਾਦਿਨੋ.

੩੮. ‘‘ਏਕਨਵੁਤਿਤੋ ਕਪ੍ਪੇ, ਸਰਣਂ ਉਪਗਚ੍ਛਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਸਰਣਾਗਮਨਪ੍ਫਲਂ.

੩੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਸਰਣਗਮਨਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਸਰਣਗਮਨਿਯਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.