੬. ਪਾਦਪੂਜਕਤ੍ਥੇਰਅਪਦਾਨਂ

੨੭. ‘‘ਪਬ੍ਬਤੇ ਹਿਮਵਨ੍ਤਮ੍ਹਿ, ਅਹੋਸਿਂ ਕਿਨ੍ਨਰੋ ਤਦਾ;

ਅਦ੍ਦਸਂ ਵਿਰਜਂ ਬੁਦ੍ਧਂ, ਪੀਤਰਂਸਿਂਵ ਭਾਣੁਮਂ.

੨੮. ‘‘ਉਪੇਤਂ ਤਮਹਂ [ਉਪੇਤੋਪਿ ਤਦਾ (ਸ੍ਯਾ.), ਉਪੇਸਿਂ ਤਮਹਂ (?)] ਬੁਦ੍ਧਂ, ਵਿਪਸ੍ਸਿਂ ਲੋਕਨਾਯਕਂ;

ਚਨ੍ਦਨਂ ਤਗਰਞ੍ਚਾਪਿ, ਪਾਦੇ ਓਸਿਞ੍ਚਹਂ ਤਦਾ.

੨੯. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪਾਦਂ ਅਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਪਾਦਪੂਜਾਯਿਦਂ ਫਲਂ.

੩੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਪਾਦਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਪਾਦਪੂਜਕਤ੍ਥੇਰਸ੍ਸਾਪਦਾਨਂ ਛਟ੍ਠਂ.