੮. ਸਲ਼ਲਪੁਪ੍ਫਿਯਤ੍ਥੇਰਅਪਦਾਨਂ
੩੦. ‘‘ਚਨ੍ਦਭਾਗਾਨਦੀਤੀਰੇ, ਅਹੋਸਿਂ ਕਿਨ੍ਨਰੋ ਤਦਾ;
ਵਿਪਸ੍ਸਿਂ ਅਦ੍ਦਸਂ ਬੁਦ੍ਧਂ, ਰਂਸਿਜਾਲਸਮਾਕੁਲਂ.
੩੧. ‘‘ਪਸਨ੍ਨਚਿਤ੍ਤੋ ਸੁਮਨੋ, ਪਰਮਾਯ ਚ ਪੀਤਿਯਾ;
ਪਗ੍ਗਯ੍ਹ ਸਲ਼ਲਂ ਪੁਪ੍ਫਂ, ਵਿਪਸ੍ਸਿਂ ਓਕਿਰਿਂ ਅਹਂ.
੩੨. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੩੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਸਲ਼ਲਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਸਲ਼ਲਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.