੯. ਉਪਾਗਤਾਸਯਤ੍ਥੇਰਅਪਦਾਨਂ

੩੪. ‘‘ਹਿਮਵਨ੍ਤਸ੍ਸ ਵੇਮਜ੍ਝੇ, ਸਰੋ ਆਸਿ ਸੁਨਿਮ੍ਮਿਤੋ;

ਤਤ੍ਥਾਹਂ ਰਕ੍ਖਸੋ ਆਸਿਂ, ਹੇਠਸੀਲੋ ਭਯਾਨਕੋ.

੩੫. ‘‘ਅਨੁਕਮ੍ਪਕੋ ਕਾਰੁਣਿਕੋ, ਵਿਪਸ੍ਸੀ ਲੋਕਨਾਯਕੋ;

ਮਮੁਦ੍ਧਰਿਤੁਕਾਮੋ ਸੋ, ਆਗਚ੍ਛਿ ਮਮ ਸਨ੍ਤਿਕਂ.

੩੬. ‘‘ਉਪਾਗਤਂ ਮਹਾਵੀਰਂ, ਦੇਵਦੇਵਂ ਨਰਾਸਭਂ;

ਆਸਯਾ ਅਭਿਨਿਕ੍ਖਮ੍ਮ, ਅਵਨ੍ਦਿਂ ਸਤ੍ਥੁਨੋ ਅਹਂ.

੩੭. ‘‘ਏਕਨਵੁਤਿਤੋ ਕਪ੍ਪੇ, ਯਂ ਵਨ੍ਦਿਂ ਪੁਰਿਸੁਤ੍ਤਮਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਵਨ੍ਦਨਾਯ ਇਦਂ ਫਲਂ.

੩੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਉਪਾਗਤਾਸਯੋ [ਉਪਾਗਤਹਾਸਨਿਯੋ (ਸ੍ਯਾ.), ਉਪਾਗਤਾਹਾਸਨਿਯੋ (ਕ.)] ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਉਪਾਗਤਾਸਯਤ੍ਥੇਰਸ੍ਸਾਪਦਾਨਂ ਨਵਮਂ.