੭. ਜਵਹਂਸਕਤ੍ਥੇਰਅਪਦਾਨਂ

੨੬. ‘‘ਚਨ੍ਦਭਾਗਾਨਦੀਤੀਰੇ, ਆਸਿਂ ਵਨਚਰੋ ਤਦਾ;

ਸਿਦ੍ਧਤ੍ਥਂ ਅਦ੍ਦਸਂ ਬੁਦ੍ਧਂ, ਗਚ੍ਛਨ੍ਤਂ ਅਨਿਲਞ੍ਜਸੇ.

੨੭. ‘‘ਅਞ੍ਜਲਿਂ ਪਗ੍ਗਹੇਤ੍ਵਾਨ, ਉਲ੍ਲੋਕੇਨ੍ਤੋ ਮਹਾਮੁਨਿਂ;

ਸਕਂ ਚਿਤ੍ਤਂ ਪਸਾਦੇਤ੍ਵਾ, ਅਵਨ੍ਦਿਂ ਨਾਯਕਂ ਅਹਂ.

੨੮. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਮਵਨ੍ਦਿਂ ਨਰਾਸਭਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਵਨ੍ਦਨਾਯ ਇਦਂ ਫਲਂ.

੨੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਜਵਹਂਸਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਜਵਹਂਸਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.