੧. ਤੁਵਰਦਾਯਕਤ੍ਥੇਰਅਪਦਾਨਂ

੧. ‘‘ਮਿਗਲੁਦ੍ਦੋ ਪੁਰੇ ਆਸਿਂ, ਅਰਞ੍ਞੇ ਕਾਨਨੇ ਅਹਂ;

ਭਰਿਤ੍ਵਾ ਤੁਵਰਮਾਦਾਯ [ਭਰਿਤ੍ਵਾ ਤੁਰਵਮਾਦਾਯ (ਕ.), ਭਜ੍ਜਿਤਂ ਤੁਵਰਮਾਦਾਯ (?) ਏਤ੍ਥ ਤੁਵਰਨ੍ਤਿ ਮੁਗ੍ਗਕਲਾਯਸਦਿਸਂ ਤੁਵਰਟ੍ਠਿਨ੍ਤਿ ਤਦਟ੍ਠਕਥਾ; ਤੁਵਰੋ ਧਞ੍ਞਭੇਦੇਤਿ ਸਕ੍ਕਤਾਭਿਧਾਨੇ], ਸਙ੍ਘਸ੍ਸ ਅਦਦਿਂ ਅਹਂ.

੨. ‘‘ਏਕਨਵੁਤਿਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਤੁਵਰਸ੍ਸ ਇਦਂ ਫਲਂ.

੩. ‘‘ਪਟਿਸਮ੍ਭਿਦਾ ਚਤਸ੍ਸੋ, ਵਿਮੋਕ੍ਖਾਪਿ ਚ ਅਟ੍ਠਿਮੇ;

ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਤੁਵਰਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਤੁਵਰਦਾਯਕਤ੍ਥੇਰਸ੍ਸਾਪਦਾਨਂ ਪਠਮਂ.