੨੫. ਤੁਵਰਦਾਯਕਵਗ੍ਗੋ
੧. ਤੁਵਰਦਾਯਕਤ੍ਥੇਰਅਪਦਾਨਂ
੧. ‘‘ਮਿਗਲੁਦ੍ਦੋ ਪੁਰੇ ਆਸਿਂ, ਅਰਞ੍ਞੇ ਕਾਨਨੇ ਅਹਂ;
ਭਰਿਤ੍ਵਾ ਤੁਵਰਮਾਦਾਯ [ਭਰਿਤ੍ਵਾ ਤੁਰਵਮਾਦਾਯ (ਕ.), ਭਜ੍ਜਿਤਂ ਤੁਵਰਮਾਦਾਯ (?) ਏਤ੍ਥ ਤੁਵਰਨ੍ਤਿ ਮੁਗ੍ਗਕਲਾਯਸਦਿਸਂ ਤੁਵਰਟ੍ਠਿਨ੍ਤਿ ਤਦਟ੍ਠਕਥਾ; ਤੁਵਰੋ ਧਞ੍ਞਭੇਦੇਤਿ ਸਕ੍ਕਤਾਭਿਧਾਨੇ], ਸਙ੍ਘਸ੍ਸ ਅਦਦਿਂ ਅਹਂ.
੨. ‘‘ਏਕਨਵੁਤਿਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਤੁਵਰਸ੍ਸ ਇਦਂ ਫਲਂ.
੩. ‘‘ਪਟਿਸਮ੍ਭਿਦਾ ਚਤਸ੍ਸੋ, ਵਿਮੋਕ੍ਖਾਪਿ ਚ ਅਟ੍ਠਿਮੇ;
ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਤੁਵਰਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਤੁਵਰਦਾਯਕਤ੍ਥੇਰਸ੍ਸਾਪਦਾਨਂ ਪਠਮਂ.
੨. ਨਾਗਕੇਸਰਿਯਤ੍ਥੇਰਅਪਦਾਨਂ
੪. ‘‘ਧਨੁਂ ਅਦ੍ਵੇਜ੍ਝਂ ਕਤ੍ਵਾਨ, ਵਨਮਜ੍ਝੋਗਹਿਂ ਅਹਂ;
ਕੇਸਰਂ ਓਗਤਂ [ਓਸਰਂ (ਸ੍ਯਾ.), ਓਸਟਂ (ਸੀ.)] ਦਿਸ੍ਵਾ, ਪਤਪਤ੍ਤਂ ਸਮੁਟ੍ਠਿਤਂ.
੫. ‘‘ਉਭੋ ਹਤ੍ਥੇਹਿ ਪਗ੍ਗਯ੍ਹ, ਸਿਰੇ ਕਤ੍ਵਾਨ ਅਞ੍ਜਲਿਂ;
ਬੁਦ੍ਧਸ੍ਸ ਅਭਿਰੋਪੇਸਿਂ, ਤਿਸ੍ਸਸ੍ਸ ਲੋਕਬਨ੍ਧੁਨੋ.
੬. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੭. ‘‘ਤੇਸਤ੍ਤਤਿਮ੍ਹਿ ਕਪ੍ਪਮ੍ਹਿ [ਸਤ੍ਤਸਤ੍ਤਤਿਮੇ ਕਪ੍ਪੇ (ਸ੍ਯਾ.)], ਸਤ੍ਤ ਕੇਸਰਨਾਮਕਾ;
ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.
੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਨਾਗਕੇਸਰਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਨਾਗਕੇਸਰਿਯਤ੍ਥੇਰਸ੍ਸਾਪਦਾਨਂ ਦੁਤਿਯਂ.
੩. ਨਲ਼ਿਨਕੇਸਰਿਯਤ੍ਥੇਰਅਪਦਾਨਂ
੯. ‘‘ਜਾਤਸ੍ਸਰਸ੍ਸ ਵੇਮਜ੍ਝੇ, ਵਸਾਮਿ ਜਲਕੁਕ੍ਕੁਟੋ;
ਅਦ੍ਦਸਾਹਂ [ਅਥਦ੍ਦਸਂ (ਸੀ. ਸ੍ਯਾ.)] ਦੇਵਦੇਵਂ, ਗਚ੍ਛਨ੍ਤਂ ਅਨਿਲਞ੍ਜਸੇ.
੧੦. ‘‘ਤੁਣ੍ਡੇਨ ਕੇਸਰਿਂ [ਕੇਸਰਂ (ਸ੍ਯਾ.)] ਗਯ੍ਹ, ਵਿਪ੍ਪਸਨ੍ਨੇਨ ਚੇਤਸਾ;
ਬੁਦ੍ਧਸ੍ਸ ਅਭਿਰੋਪੇਸਿਂ, ਤਿਸ੍ਸਸ੍ਸ ਲੋਕਬਨ੍ਧੁਨੋ.
੧੧. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੧੨. ‘‘ਤੇਸਤ੍ਤਤਿਮ੍ਹਿ ਕਪ੍ਪਮ੍ਹਿ, ਸਤ੍ਤ ਕੇਸਰਨਾਮਕਾ [ਸਤਪਤ੍ਤਸਨਾਮਕੋ (ਸੀ. ਸ੍ਯਾ.)];
ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.
੧੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਨਲ਼ਿਨਕੇਸਰਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਨਲ਼ਿਨਕੇਸਰਿਯਤ੍ਥੇਰਸ੍ਸਾਪਦਾਨਂ ਤਤਿਯਂ.
੪. ਵਿਰਵਪੁਪ੍ਫਿਯਤ੍ਥੇਰਅਪਦਾਨਂ
੧੪. ‘‘ਖੀਣਾਸਵਸਹਸ੍ਸੇਹਿ, ਨਿਯ੍ਯਾਤਿ ਲੋਕਨਾਯਕੋ;
ਵਿਰਵਪੁਪ੍ਫਮਾਦਾਯ [ਵਿਰਵਿਪੁਪ੍ਫਂ ਪਗ੍ਗਯ੍ਹ (ਸੀ.)], ਬੁਦ੍ਧਸ੍ਸ ਅਭਿਰੋਪਯਿਂ.
੧੫. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੧੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਵਿਰਵਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਵਿਰਵਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ.
੫. ਕੁਟਿਧੂਪਕਤ੍ਥੇਰਅਪਦਾਨਂ
੧੭. ‘‘ਸਿਦ੍ਧਤ੍ਥਸ੍ਸ ਭਗਵਤੋ, ਅਹੋਸਿਂ ਕੁਟਿਗੋਪਕੋ;
ਕਾਲੇਨ ਕਾਲਂ ਧੂਪੇਸਿਂ, ਪਸਨ੍ਨੋ ਸੇਹਿ ਪਾਣਿਭਿ.
੧੮. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਧੂਪਦਾਨਸ੍ਸਿਦਂ [ਬੁਦ੍ਧਪੂਜਾਯਿਦਂ (ਸੀ.)] ਫਲਂ.
੧੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਕੁਟਿਧੂਪਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਕੁਟਿਧੂਪਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ.
੬. ਪਤ੍ਤਦਾਯਕਤ੍ਥੇਰਅਪਦਾਨਂ
੨੦. ‘‘ਪਰਮੇਨ ਦਮਥੇਨ, ਸਿਦ੍ਧਤ੍ਥਸ੍ਸ ਮਹੇਸਿਨੋ;
ਪਤ੍ਤਦਾਨਂ ਮਯਾ ਦਿਨ੍ਨਂ, ਉਜੁਭੂਤਸ੍ਸ ਤਾਦਿਨੋ.
੨੧. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਪਤ੍ਤਦਾਨਸ੍ਸਿਦਂ ਫਲਂ.
੨੨. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਪਤ੍ਤਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਪਤ੍ਤਦਾਯਕਤ੍ਥੇਰਸ੍ਸਾਪਦਾਨਂ ਛਟ੍ਠਂ.
੭. ਧਾਤੁਪੂਜਕਤ੍ਥੇਰਅਪਦਾਨਂ
੨੩. ‘‘ਨਿਬ੍ਬੁਤੇ ਲੋਕਨਾਥਮ੍ਹਿ, ਸਿਦ੍ਧਤ੍ਥਮ੍ਹਿ ਨਰੁਤ੍ਤਮੇ;
ਏਕਾ ਧਾਤੁ ਮਯਾ ਲਦ੍ਧਾ, ਦ੍ਵਿਪਦਿਨ੍ਦਸ੍ਸ ਤਾਦਿਨੋ.
੨੪. ‘‘ਤਾਹਂ ਧਾਤੁਂ ਗਹੇਤ੍ਵਾਨ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;
ਪਞ੍ਚਵਸ੍ਸੇ ਪਰਿਚਰਿਂ, ਤਿਟ੍ਠਨ੍ਤਂਵ ਨਰੁਤ੍ਤਮਂ.
੨੫. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਧਾਤੁਂ ਪੂਜਯਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਧਾਤੁਪਟ੍ਠਹਨੇ ਫਲਂ.
੨੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਧਾਤੁਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਧਾਤੁਪੂਜਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.
੮. ਸਤ੍ਤਲਿਪੁਪ੍ਫਪੂਜਕਤ੍ਥੇਰਅਪਦਾਨਂ
੨੭. ‘‘ਸਤ੍ਤ ਸਤ੍ਤਲਿਪੁਪ੍ਫਾਨਿ, ਸੀਸੇ ਕਤ੍ਵਾਨਹਂ ਤਦਾ;
ਬੁਦ੍ਧਸ੍ਸ ਅਭਿਰੋਪੇਸਿਂ, ਵੇਸ੍ਸਭੁਮ੍ਹਿ ਨਰੁਤ੍ਤਮੇ [ਵਿਭਤ੍ਤਿਵਿਪਲ੍ਲਾਸੋ ਚਿਨ੍ਤੇਤਬ੍ਬੋ].
੨੮. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੨੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਸਤ੍ਤਲਿਪੁਪ੍ਫਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਸਤ੍ਤਲਿਪੁਪ੍ਫਪੂਜਕਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.
੯. ਬਿਮ੍ਬਿਜਾਲਿਯਤ੍ਥੇਰਅਪਦਾਨਂ
੩੦. ‘‘ਪਦੁਮੁਤ੍ਤਰੋ ਨਾਮ ਜਿਨੋ, ਸਯਮ੍ਭੂ ਅਗ੍ਗਪੁਗ੍ਗਲੋ;
ਚਤੁਸਚ੍ਚਂ ਪਕਾਸੇਤਿ, ਦੀਪੇਤਿ ਅਮਤਂ ਪਦਂ.
੩੧. ‘‘ਬਿਮ੍ਬਿਜਾਲਕਪੁਪ੍ਫਾਨਿ [ਬਿਮ੍ਬਜਾਲਕਪੁਪ੍ਫਾਨਿ (ਕ.)], ਪੁਥੁ ਕਤ੍ਵਾਨਹਂ ਤਦਾ;
ਬੁਦ੍ਧਸ੍ਸ ਅਭਿਰੋਪੇਸਿਂ, ਦ੍ਵਿਪਦਿਨ੍ਦਸ੍ਸ ਤਾਦਿਨੋ.
੩੨. ‘‘ਅਟ੍ਠਸਟ੍ਠਿਮ੍ਹਿਤੋ ਕਪ੍ਪੇ, ਚਤੁਰੋ ਕਿਞ੍ਜਕੇਸਰਾ;
ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.
੩੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਬਿਮ੍ਬਿਜਾਲਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਬਿਮ੍ਬਿਜਾਲਿਯਤ੍ਥੇਰਸ੍ਸਾਪਦਾਨਂ ਨਵਮਂ.
੧੦. ਉਦ੍ਦਾਲਕਦਾਯਕਤ੍ਥੇਰਅਪਦਾਨਂ
੩੪. ‘‘ਕਕੁਧੋ ਨਾਮ ਨਾਮੇਨ, ਸਯਮ੍ਭੂ ਅਪਰਾਜਿਤੋ;
ਪਵਨਾ ਨਿਕ੍ਖਮਿਤ੍ਵਾਨ, ਅਨੁਪ੍ਪਤ੍ਤੋ ਮਹਾਨਦਿਂ.
੩੫. ‘‘ਉਦ੍ਦਾਲਕਂ ਗਹੇਤ੍ਵਾਨ, ਸਯਮ੍ਭੁਸ੍ਸ ਅਦਾਸਹਂ;
ਸਂਯਤਸ੍ਸੁਜੁਭੂਤਸ੍ਸ, ਪਸਨ੍ਨਮਾਨਸੋ ਅਹਂ.
੩੬. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਪੁਪ੍ਫਦਾਨਸ੍ਸਿਦਂ ਫਲਂ.
੩੭. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਉਦ੍ਦਾਲਕਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਉਦ੍ਦਾਲਕਦਾਯਕਤ੍ਥੇਰਸ੍ਸਾਪਦਾਨਂ ਦਸਮਂ.
ਤੁਵਰਦਾਯਕਵਗ੍ਗੋ ਪਞ੍ਚਵੀਸਤਿਮੋ.