੨. ਨਾਗਕੇਸਰਿਯਤ੍ਥੇਰਅਪਦਾਨਂ

੪. ‘‘ਧਨੁਂ ਅਦ੍ਵੇਜ੍ਝਂ ਕਤ੍ਵਾਨ, ਵਨਮਜ੍ਝੋਗਹਿਂ ਅਹਂ;

ਕੇਸਰਂ ਓਗਤਂ [ਓਸਰਂ (ਸ੍ਯਾ.), ਓਸਟਂ (ਸੀ.)] ਦਿਸ੍ਵਾ, ਪਤਪਤ੍ਤਂ ਸਮੁਟ੍ਠਿਤਂ.

੫. ‘‘ਉਭੋ ਹਤ੍ਥੇਹਿ ਪਗ੍ਗਯ੍ਹ, ਸਿਰੇ ਕਤ੍ਵਾਨ ਅਞ੍ਜਲਿਂ;

ਬੁਦ੍ਧਸ੍ਸ ਅਭਿਰੋਪੇਸਿਂ, ਤਿਸ੍ਸਸ੍ਸ ਲੋਕਬਨ੍ਧੁਨੋ.

੬. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੭. ‘‘ਤੇਸਤ੍ਤਤਿਮ੍ਹਿ ਕਪ੍ਪਮ੍ਹਿ [ਸਤ੍ਤਸਤ੍ਤਤਿਮੇ ਕਪ੍ਪੇ (ਸ੍ਯਾ.)], ਸਤ੍ਤ ਕੇਸਰਨਾਮਕਾ;

ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.

੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਨਾਗਕੇਸਰਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਨਾਗਕੇਸਰਿਯਤ੍ਥੇਰਸ੍ਸਾਪਦਾਨਂ ਦੁਤਿਯਂ.