੨. ਪਾਨਧਿਦਾਯਕਤ੍ਥੇਰਅਪਦਾਨਂ

੬. ‘‘ਆਰਞ੍ਞਿਕਸ੍ਸ ਇਸਿਨੋ, ਚਿਰਰਤ੍ਤਤਪਸ੍ਸਿਨੋ [ਝਾਯਿਨੋ, ਮੇਤ੍ਤਚਿਤ੍ਤਤਪਸ੍ਸਿਨੋ (ਸ੍ਯਾ.)];

ਬੁਦ੍ਧਸ੍ਸ [ਧਮ੍ਮਸ੍ਸ (ਸ੍ਯਾ. ਕ.)] ਭਾਵਿਤਤ੍ਤਸ੍ਸ, ਅਦਾਸਿਂ ਪਾਨਧਿਂ ਅਹਂ.

੭. ‘‘ਤੇਨ ਕਮ੍ਮੇਨ ਦ੍ਵਿਪਦਿਨ੍ਦ, ਲੋਕਜੇਟ੍ਠ ਨਰਾਸਭ;

ਦਿਬ੍ਬਯਾਨਂ [ਸਬ੍ਬਂ ਯਾਨਂ (ਸੀ.)] ਅਨੁਭੋਮਿ, ਪੁਬ੍ਬਕਮ੍ਮਸ੍ਸਿਦਂ ਫਲਂ.

੮. ‘‘ਚਤੁਨ੍ਨਵੁਤੇ ਇਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਪਾਨਧਿਸ੍ਸ ਇਦਂ ਫਲਂ.

੯. ‘‘ਸਤ੍ਤਸਤ੍ਤਤਿਤੋ ਕਪ੍ਪੇ, ਅਟ੍ਠ ਆਸਿਂਸੁ ਖਤ੍ਤਿਯਾ;

ਸੁਯਾਨਾ ਨਾਮ ਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲਾ.

੧੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਪਾਨਧਿਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਪਾਨਧਿਦਾਯਕਤ੍ਥੇਰਸ੍ਸਾਪਦਾਨਂ ਦੁਤਿਯਂ.