੩. ਸਚ੍ਚਸਞ੍ਞਕਤ੍ਥੇਰਅਪਦਾਨਂ

੧੧. ‘‘ਵੇਸ੍ਸਭੂ ਤਮ੍ਹਿ ਸਮਯੇ, ਭਿਕ੍ਖੁਸਙ੍ਘਪੁਰਕ੍ਖਤੋ;

ਦੇਸੇਤਿ ਅਰਿਯਸਚ੍ਚਾਨਿ, ਨਿਬ੍ਬਾਪੇਨ੍ਤੋ ਮਹਾਜਨਂ.

੧੨. ‘‘ਪਰਮਕਾਰੁਞ੍ਞਪਤ੍ਤੋਮ੍ਹਿ, ਸਮਿਤਿਂ ਅਗਮਾਸਹਂ;

ਸੋਹਂ ਨਿਸਿਨ੍ਨਕੋ ਸਨ੍ਤੋ, ਧਮ੍ਮਮਸ੍ਸੋਸਿ ਸਤ੍ਥੁਨੋ.

੧੩. ‘‘ਤਸ੍ਸਾਹਂ ਧਮ੍ਮਂ ਸੁਤ੍ਵਾਨ, ਦੇਵਲੋਕਂ ਅਗਚ੍ਛਹਂ;

ਤਿਂਸਕਪ੍ਪਾਨਿ ਦੇਵੇਸੁ, ਅਵਸਿਂ ਤਤ੍ਥਹਂ ਪੁਰੇ.

੧੪. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਸਞ੍ਞਮਲਭਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਸਚ੍ਚਸਞ੍ਞਾਯਿਦਂ ਫਲਂ.

੧੫. ‘‘ਛਬ੍ਬੀਸਮ੍ਹਿ ਇਤੋ ਕਪ੍ਪੇ, ਏਕੋ ਆਸਿਂ ਜਨਾਧਿਪੋ;

ਏਕਫੁਸਿਤਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲੋ.

੧੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਸਚ੍ਚਸਞ੍ਞਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਸਚ੍ਚਸਞ੍ਞਕਤ੍ਥੇਰਸ੍ਸਾਪਦਾਨਂ ਤਤਿਯਂ.