੪. ਮਨੋਨਿਵਾਰਣਸੁਤ੍ਤਵਣ੍ਣਨਾ

੨੪. ਚਤੁਤ੍ਥੇ ਯਤੋ ਯਤੋਤਿ ਪਾਪਤੋ ਵਾ ਕਲ੍ਯਾਣਤੋ ਵਾ. ਅਯਂ ਕਿਰ ਦੇਵਤਾ ‘‘ਯਂਕਿਞ੍ਚਿ ਕੁਸਲਾਦਿਭੇਦਂ ਲੋਕਿਯਂ ਵਾ ਲੋਕੁਤ੍ਤਰਂ ਵਾ ਮਨੋ, ਤਂ ਨਿਵਾਰੇਤਬ੍ਬਮੇਵ, ਨ ਉਪ੍ਪਾਦੇਤਬ੍ਬ’’ਨ੍ਤਿ ਏਵਂਲਦ੍ਧਿਕਾ. ਸ ਸਬ੍ਬਤੋਤਿ ਸੋ ਸਬ੍ਬਤੋ. ਅਥ ਭਗਵਾ – ‘‘ਅਯਂ ਦੇਵਤਾ ਅਨਿਯ੍ਯਾਨਿਕਕਥਂ ਕਥੇਤਿ, ਮਨੋ ਨਾਮ ਨਿਵਾਰੇਤਬ੍ਬਮ੍ਪਿ ਅਤ੍ਥਿ ਭਾਵੇਤਬ੍ਬਮ੍ਪਿ, ਵਿਭਜਿਤ੍ਵਾ ਨਮਸ੍ਸਾ ਦਸ੍ਸੇਸ੍ਸਾਮੀ’’ਤਿ ਚਿਨ੍ਤੇਤ੍ਵਾ ਦੁਤਿਯਗਾਥਂ ਆਹ. ਤਤ੍ਥ ਨ ਮਨੋ ਸਂਯਤਤ੍ਤਮਾਗਤਨ੍ਤਿ, ਯਂ ਵੁਤ੍ਤਂ ‘‘ਨ ਸਬ੍ਬਤੋ ਮਨੋ ਨਿਵਾਰਯੇ’’ਤਿ, ਕਤਰਂ ਤਂ ਮਨੋ, ਯਂ ਤਂ ਸਬ੍ਬਤੋ ਨ ਨਿਵਾਰੇਤਬ੍ਬਨ੍ਤਿ ਚੇ. ਮਨੋ ਸਂਯਤਤ੍ਤਂ ਆਗਤਂ, ਯਂ ਮਨੋ ਯਤ੍ਥ ਸਂਯਤਭਾਵਂ ਆਗਤਂ, ‘‘ਦਾਨਂ ਦਸ੍ਸਾਮਿ, ਸੀਲਂ ਰਕ੍ਖਿਸ੍ਸਾਮੀ’’ਤਿਆਦਿਨਾ ਨਯੇਨ ਉਪ੍ਪਨ੍ਨਂ, ਏਤਂ ਮਨੋ ਨ ਨਿਵਾਰੇਤਬ੍ਬਂ, ਅਞ੍ਞਦਤ੍ਥੁ ਬ੍ਰੂਹੇਤਬ੍ਬਂ ਵਡ੍ਢੇਤਬ੍ਬਂ. ਯਤੋ ਯਤੋ ਚ ਪਾਪਕਨ੍ਤਿ ਯਤੋ ਯਤੋ ਅਕੁਸਲਂ ਉਪ੍ਪਜ੍ਜਤਿ, ਤਤੋ ਤਤੋ ਚ ਤਂ ਨਿਵਾਰੇਤਬ੍ਬਨ੍ਤਿ. ਚਤੁਤ੍ਥਂ.