੧. ਪਣ੍ਣਤ੍ਤਿਨਿਦ੍ਦੇਸਵਾਰਵਣ੍ਣਨਾ

੧੦-੧੭. ਨਿਦ੍ਦੇਸਵਾਰੇ ਪਨ ਹੇਟ੍ਠਾ ਖਨ੍ਧਯਮਕਸ੍ਸ ਪਣ੍ਣਤ੍ਤਿਵਾਰਨਿਦ੍ਦੇਸੇ ਵੁਤ੍ਤਨਯੇਨੇਵ ਅਤ੍ਥੋ ਵੇਦਿਤਬ੍ਬੋ. ਅਞ੍ਞਤ੍ਰ ਵਿਸੇਸਾ. ਤਤ੍ਰਾਯਂ ਵਿਸੇਸੋ – ਦਿਬ੍ਬਚਕ੍ਖੂਤਿ ਦੁਤਿਯਵਿਜ੍ਜਾਞਾਣਂ. ਪਞ੍ਞਾਚਕ੍ਖੂਤਿ ਤਤਿਯਵਿਜ੍ਜਾਞਾਣਂ. ਦਿਬ੍ਬਸੋਤਨ੍ਤਿ ਦੁਤਿਯਅਭਿਞ੍ਞਾਞਾਣਂ. ਤਣ੍ਹਾਸੋਤਨ੍ਤਿ ਤਣ੍ਹਾਵ. ਅਵਸੇਸੋ ਕਾਯੋਤਿ ਨਾਮਕਾਯੋ, ਰੂਪਕਾਯੋ, ਹਤ੍ਥਿਕਾਯੋ, ਅਸ੍ਸਕਾਯੋਤਿ ਏਵਮਾਦਿ. ਅਵਸੇਸਂ ਰੂਪਨ੍ਤਿ ਰੂਪਾਯਤਨਤੋ ਸੇਸਂ ਭੂਤੁਪਾਦਾਯਰੂਪਞ੍ਚੇਵ ਪਿਯਰੂਪਸਾਤਰੂਪਞ੍ਚ. ਸੀਲਗਨ੍ਧੋਤਿਆਦੀਨਿ ਵਾਯਨਟ੍ਠੇਨ ਸੀਲਾਦੀਨਂਯੇਵ ਨਾਮਾਨਿ. ਅਤ੍ਥਰਸੋਤਿਆਦੀਨਿਪਿ ਸਾਧੁਮਧੁਰਟ੍ਠੇਨ ਅਤ੍ਥਾਦੀਨਞ੍ਞੇਵ ਨਾਮਾਨਿ. ਅਵਸੇਸੋ ਧਮ੍ਮੋਤਿ ਪਰਿਯਤ੍ਤਿਧਮ੍ਮਾਦਿਅਨੇਕਪ੍ਪਭੇਦੋਤਿ ਅਯਮੇਤ੍ਥ ਵਿਸੇਸੋ.

ਪਣ੍ਣਤ੍ਤਿਨਿਦ੍ਦੇਸਵਾਰਵਣ੍ਣਨਾ.