੩. ਸਞ੍ਞੋਜਨਕਥਾਵਣ੍ਣਨਾ

੮੮੧-੮੮੨. ਇਦਾਨਿ ਸਞ੍ਞੋਜਨਕਥਾ ਨਾਮ ਹੋਤਿ. ਤਤ੍ਥ ਯਸ੍ਮਾ ਅਰਹਾ ਸਬ੍ਬਂ ਬੁਦ੍ਧਵਿਸਯਂ ਨ ਜਾਨਾਤਿ, ਤਸ੍ਮਾ ਤਸ੍ਸ ਤਤ੍ਥ ਅਵਿਜ੍ਜਾਵਿਚਿਕਿਚ੍ਛਾਹਿ ਅਪ੍ਪਹੀਨਾਹਿ ਭਵਿਤਬ੍ਬਨ੍ਤਿ ਸਞ੍ਞਾਯ ‘‘ਅਤ੍ਥਿ ਕਿਞ੍ਚਿ ਸਞ੍ਞੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਮਹਾਸਙ੍ਘਿਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਅਤ੍ਥਿ ਕਿਞ੍ਚਿ ਸਕ੍ਕਾਯਦਿਟ੍ਠੀਤਿਆਦਿ ਅਰਹਤੋ ਸਬ੍ਬਸਂਯੋਜਨਪ੍ਪਹਾਨਦਸ੍ਸਨਤ੍ਥਂ ਵੁਤ੍ਤਂ. ਸਬ੍ਬਂ ਬੁਦ੍ਧਵਿਸਯਨ੍ਤਿ ਪਞ੍ਹਦ੍ਵਯੇ ਅਰਹਤੋ ਸਬ੍ਬਞ੍ਞੁਤਞ੍ਞਾਣਾਭਾਵੇਨ ਪਟਿਸੇਧੋ ਕਤੋ, ਨ ਅਵਿਜ੍ਜਾਵਿਚਿਕਿਚ੍ਛਾਨਂ ਅਪ੍ਪਹਾਨੇਨ. ਇਤਰੋ ਪਨ ਤੇਸਂ ਅਪ੍ਪਹੀਨਤਂ ਸਨ੍ਧਾਯ ਤੇਨ ਹੀਤਿ ਲਦ੍ਧਿਂ ਪਤਿਟ੍ਠਪੇਤਿ. ਸਾ ਅਯੋਨਿਸੋ ਪਤਿਟ੍ਠਾਪਿਤਤ੍ਤਾ ਅਪ੍ਪਤਿਟ੍ਠਿਤਾਵ ਹੋਤੀਤਿ.

ਸਞ੍ਞੋਜਨਕਥਾਵਣ੍ਣਨਾ.