੪. ਪਤ੍ਤਿਕਥਾਵਣ੍ਣਨਾ

੮੩੭-੮੪੦. ਇਦਾਨਿ ਪਤ੍ਤਿਕਥਾ ਨਾਮ ਹੋਤਿ. ਤਤ੍ਥ ‘‘ਯਂ ਯਂ ਪਟਿਲਬ੍ਭਤਿ, ਤਸ੍ਸ ਤਸ੍ਸ ਪਟਿਲਾਭੋ ਪਤ੍ਤਿ ਨਾਮ. ਸਾ ਚ ਅਸਙ੍ਖਤਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਞ੍ਞੇਵ; ਤੇ ਸਨ੍ਧਾਯ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਸੇਸਮਿਧਾਪਿ ਹੇਟ੍ਠਾ ਵੁਤ੍ਤਨਯਤ੍ਤਾ ਯਥਾਪਾਲ਼ਿਮੇਵ ਨਿਯ੍ਯਾਤੀਤਿ. ਨ ਵਤ੍ਤਬ੍ਬਨ੍ਤਿਆਦਿ ਯਾਯ ਲਦ੍ਧਿਯਾ ਪਤ੍ਤਿ ਅਸਙ੍ਖਤਾਤਿ ਮਞ੍ਞਤਿ, ਤਂ ਪਕਾਸੇਤੁਂ ਵੁਤ੍ਤਂ. ਤਤ੍ਥ ਸਕਵਾਦੀ ‘‘ਨ ਹੇਵਂ ਵਤ੍ਤਬ੍ਬੇ’’ਤਿ ਪਟਿਕ੍ਖਿਪਨ੍ਤੋ ਕੇਵਲਂ ਪਤ੍ਤਿਯਾ ਰੂਪਾਦਿਭਾਵਂ ਨ ਸਮ੍ਪਟਿਚ੍ਛਤਿ. ਨ ਹਿ ਪਤ੍ਤਿ ਨਾਮ ਕੋਚਿ ਧਮ੍ਮੋ ਅਤ੍ਥਿ, ਨ ਪਨ ਅਸਙ੍ਖਤਭਾਵਂ ਅਨੁਜਾਨਾਤਿ. ਇਤਰੋ ਪਨ ਪਟਿਕ੍ਖੇਪਮਤ੍ਤੇਨੇਵ ਅਸਙ੍ਖਤਾਤਿ ਲਦ੍ਧਿਂ ਪਤਿਟ੍ਠਪੇਤਿ, ਸਾ ਅਯੋਨਿਸੋ ਪਤਿਟ੍ਠਾਪਿਤਤ੍ਤਾ ਅਪ੍ਪਤਿਟ੍ਠਿਤਾਯੇਵਾਤਿ.

ਪਤ੍ਤਿਕਥਾਵਣ੍ਣਨਾ.