੨. ਧਮ੍ਮਦੇਸਨਾਕਥਾਵਣ੍ਣਨਾ

੮੦੪-੮੦੬. ਇਦਾਨਿ ਧਮ੍ਮਦੇਸਨਾਕਥਾ ਨਾਮ ਹੋਤਿ. ਤਤ੍ਥ ‘‘ਤੁਸਿਤਪੁਰੇ ਠਿਤੋ ਭਗਵਾ ਧਮ੍ਮਦੇਸਨਤ੍ਥਾਯ ਅਭਿਨਿਮ੍ਮਿਤਂ ਪੇਸੇਸਿ, ਤੇਨ ਚੇਵ ਤਸ੍ਸ ਚ ਦੇਸਨਂ ਸਮ੍ਪਟਿਚ੍ਛਿਤ੍ਵਾ ਆਯਸ੍ਮਤਾ ਆਨਨ੍ਦੇਨ ਧਮ੍ਮੋ ਦੇਸਿਤੋ, ਨ ਬੁਦ੍ਧੇਨ ਭਗਵਤਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਵੇਤੁਲ੍ਲਕਾਨਞ੍ਞੇਵ; ਤੇ ਸਨ੍ਧਾਯ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਅਥ ਨਂ ‘‘ਯਦਿ ਤੇਨ ਧਮ੍ਮੋ ਦੇਸਿਤੋ, ਸ੍ਵੇਵ ਸਤ੍ਥਾ ਭਵੇਯ੍ਯਾ’’ਤਿ ਚੋਦੇਤੁਂ ਅਭਿਨਿਮ੍ਮਿਤੋ ਜਿਨੋਤਿਆਦਿਮਾਹ. ਇਤਰੋ ਤਥਾ ਅਸਮ੍ਪਟਿਚ੍ਛਨ੍ਤੋ ਪਟਿਕ੍ਖਿਪਤਿ. ਸੇਸਮੇਤ੍ਥ ਉਤ੍ਤਾਨਤ੍ਥਮੇਵਾਤਿ.

ਧਮ੍ਮਦੇਸਨਾਕਥਾਵਣ੍ਣਨਾ.