੫. ਅਞ੍ਞੋ ਅਨੁਸਯੋਤਿਕਥਾਵਣ੍ਣਨਾ

੭੦੦-੭੦੧. ਇਦਾਨਿ ਅਞ੍ਞੋ ਅਨੁਸਯੋਤਿਕਥਾ ਨਾਮ ਹੋਤਿ. ਤਤ੍ਥ ਯਸ੍ਮਾ ਪੁਥੁਜ੍ਜਨੋ ਕੁਸਲਾਬ੍ਯਾਕਤੇ ਚਿਤ੍ਤੇ ਵਤ੍ਤਮਾਨੇ ਸਾਨੁਸਯੋਤਿ ਵਤ੍ਤਬ੍ਬੋ, ਨ ਪਰਿਯੁਟ੍ਠਿਤੋਤਿ ਤਸ੍ਮਾ ਅਞ੍ਞੋ ਅਨੁਸਯੋ, ਅਞ੍ਞਂ ਪਰਿਯੁਟ੍ਠਾਨਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਅਞ੍ਞੋ ਕਾਮਰਾਗਾਨੁਸਯੋਤਿ ਪੁਚ੍ਛਾ ਸਕਵਾਦਿਸ੍ਸ ਪਟਿਞ੍ਞਾ ਇਤਰਸ੍ਸ. ਸੇਸਂ ਹੇਟ੍ਠਾ ਅਨੁਸਯਕਥਾਯਂ ਵੁਤ੍ਤਨਯੇਨੇਵ ਵੇਦਿਤਬ੍ਬਂ. ਸਾਨੁਸਯੋਤਿਆਦਿ ਪਨ ਤਸ੍ਮਿਂ ਸਮਯੇ ਅਨੁਸਯਸ੍ਸ ਅਪ੍ਪਹੀਨਤ੍ਤਾ ਸਾਨੁਸਯੋਤਿ ਵਤ੍ਤਬ੍ਬਤਂ, ਅਨੁਪ੍ਪਨ੍ਨਤ੍ਤਾ ਚ ਪਰਿਯੁਟ੍ਠਿਤੋਤਿ ਅਵਤ੍ਤਬ੍ਬਤਂ ਦੀਪੇਤਿ, ਨ ਅਨੁਸਯਪਰਿਯੁਟ੍ਠਾਨਾਨਂ ਅਞ੍ਞਤ੍ਤਂ, ਤਸ੍ਮਾ ਅਸਾਧਕਨ੍ਤਿ.

ਅਞ੍ਞੋ ਅਨੁਸਯੋਤਿਕਥਾਵਣ੍ਣਨਾ.