੭. ਵਿਤਕ੍ਕਾਨੁਪਤਿਤਕਥਾਵਣ੍ਣਨਾ

੫੬੨. ਇਦਾਨਿ ਵਿਤਕ੍ਕਾਨੁਪਤਿਤਕਥਾ ਨਾਮ ਹੋਤਿ. ਤਤ੍ਥ ਵਿਤਕ੍ਕਾਨੁਪਤਿਤਾ ਨਾਮ ਦੁਵਿਧਾ – ਆਰਮ੍ਮਣਤੋ ਚ ਸਮ੍ਪਯੋਗਤੋ ਚ. ਤਤ੍ਥ ਅਸੁਕਚਿਤ੍ਤਂ ਨਾਮ ਵਿਤਕ੍ਕਸ੍ਸਾਰਮ੍ਮਣਂ ਨ ਹੋਤੀਤਿ ਨਿਯਮਾਭਾਵਤੋ ਸਿਯਾ ਸਬ੍ਬਂ ਚਿਤ੍ਤਂ ਵਿਤਕ੍ਕਾਨੁਪਤਿਤਂ, ਵਿਤਕ੍ਕਵਿਪ੍ਪਯੁਤ੍ਤਚਿਤ੍ਤਸਬ੍ਭਾਵਤੋ ਪਨ ਨ ਸਬ੍ਬਂ ਚਿਤ੍ਤਂ ਵਿਤਕ੍ਕਾਨੁਪਤਿਤਂ. ਇਤਿ ਇਮਂ ਵਿਭਾਗਂ ਅਕਤ੍ਵਾ ਅਵਿਸੇਸੇਨੇਵ ਸਬ੍ਬਂ ਚਿਤ੍ਤਂ ਵਿਤਕ੍ਕਾਨੁਪਤਿਤਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਸੇਸਮੇਤ੍ਥ ਪਾਲ਼ਿਵਸੇਨੇਵ ਨਿਯ੍ਯਾਤੀਤਿ.

ਵਿਤਕ੍ਕਾਨੁਪਤਿਤਕਥਾਵਣ੍ਣਨਾ.