੩. ਰੂਪਂ ਸਾਰਮ੍ਮਣਨ੍ਤਿਕਥਾਵਣ੍ਣਨਾ

੫੫੨-੫੫੩. ਇਦਾਨਿ ਰੂਪਂ ਸਾਰਮ੍ਮਣਨ੍ਤਿਕਥਾ ਨਾਮ ਹੋਤਿ. ਤਤ੍ਥ ਰੂਪਂ ਸਪ੍ਪਚ੍ਚਯਟ੍ਠੇਨ ਸਾਰਮ੍ਮਣਂ ਨਾਮ ਹੋਤਿ, ਨ ਅਞ੍ਞਂ ਆਰਮ੍ਮਣਂ ਕਰੋਤੀਤਿ ਆਰਮ੍ਮਣਪਚ੍ਚਯਵਸੇਨ. ਯੇਸਂ ਪਨ ਅਵਿਸੇਸੇਨ ਰੂਪਂ ਸਾਰਮ੍ਮਣਨ੍ਤਿ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਆਰਮ੍ਮਣਤ੍ਥਸ੍ਸ ਵਿਭਾਗਦਸ੍ਸਨਤ੍ਥਂ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਸੇਸਮੇਤ੍ਥ ਪਾਲ਼ਿਅਨੁਸਾਰੇਨੇਵ ਵੇਦਿਤਬ੍ਬਂ. ਨ ਵਤ੍ਤਬ੍ਬਨ੍ਤਿ ਪਞ੍ਹੇ ਓਲੁਬ੍ਭਾਰਮ੍ਮਣਂ ਸਨ੍ਧਾਯ ਪਟਿਞ੍ਞਾ ਸਕਵਾਦਿਸ੍ਸ. ਦੁਤਿਯਪਞ੍ਹੇਪਿ ਪਚ੍ਚਯਾਰਮ੍ਮਣਂ ਸਨ੍ਧਾਯ ਪਟਿਞ੍ਞਾ ਤਸ੍ਸੇਵ. ਇਤਿ ਸਪ੍ਪਚ੍ਚਯਟ੍ਠੇਨੇਵੇਤ੍ਥ ਸਾਰਮ੍ਮਣਤਾ ਸਿਦ੍ਧਾਤਿ.

ਰੂਪਂ ਸਾਰਮ੍ਮਣਨ੍ਤਿਕਥਾਵਣ੍ਣਨਾ.