੬. ਸਮ੍ਮੁਤਿਞਾਣਕਥਾਵਣ੍ਣਨਾ

੪੩੪-੪੩੫. ਇਦਾਨਿ ਸਮ੍ਮੁਤਿਞਾਣਕਥਾ ਨਾਮ ਹੋਤਿ. ਤਤ੍ਥ ਸਮ੍ਮੁਤਿਸਚ੍ਚਂ ਪਰਮਤ੍ਥਸਚ੍ਚਨ੍ਤਿ ਦ੍ਵੇ ਸਚ੍ਚਾਨਿ. ਯੇ ਪਨ ਏਵਂ ਵਿਭਾਗਂ ਅਕਤ੍ਵਾ ਸਚ੍ਚਨ੍ਤਿ ਵਚਨਸਾਮਞ੍ਞੇਨ ਸਮ੍ਮੁਤਿਞਾਣਮ੍ਪਿ ‘‘ਸਚ੍ਚਾਰਮ੍ਮਣਮੇਵਾ’’ਤਿ ਵਦਨ੍ਤਿ, ਸੇਯ੍ਯਥਾਪਿ ਅਨ੍ਧਕਾ; ਤੇ ਅਯੁਤ੍ਤਵਾਦਿਨੋਤਿ ਤੇਸਂ ਵਾਦਵਿਸੋਧਨਤ੍ਥਂ ਅਯਂ ਕਥਾ ਆਰਦ੍ਧਾ. ਤਤ੍ਥ ਨ ਵਤ੍ਤਬ੍ਬਨ੍ਤਿ ਪੁਚ੍ਛਾ ਪਰਵਾਦਿਸ੍ਸ, ਪਰਮਤ੍ਥਸਚ੍ਚਂ ਸਨ੍ਧਾਯ ਪਟਿਞ੍ਞਾ ਸਕਵਾਦਿਸ੍ਸ. ਸਮ੍ਮੁਤਿਸਚ੍ਚਮ੍ਹੀਤਿ ਸਮ੍ਮੁਤਿਂ ਅਨੁਪਵਿਟ੍ਠੇ ਸਚ੍ਚਮ੍ਹਿ. ਪਚ੍ਚਤ੍ਤੇ ਵਾ ਭੁਮ੍ਮਵਚਨਂ, ਸਮ੍ਮੁਤਿਸਚ੍ਚਨ੍ਤਿ ਅਤ੍ਥੋ. ਸਮ੍ਮੁਤਿਞਾਣਂ ਸਚ੍ਚਾਰਮ੍ਮਣਞ੍ਞੇਵਾਤਿ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ. ਤਤੋ ਨਂ ‘‘ਯਦਿ ਤਂ ਅਵਿਸੇਸੇਨ ਸਚ੍ਚਾਰਮ੍ਮਣਞ੍ਞੇਵ, ਤੇਨ ਞਾਣੇਨ ਦੁਕ੍ਖਪਰਿਞ੍ਞਾਦੀਨਿ ਕਰੇਯ੍ਯਾ’’ਤਿ ਚੋਦੇਤੁਂ ਤੇਨ ਞਾਣੇਨਾਤਿਆਦਿਮਾਹ.

ਸਮ੍ਮੁਤਿਞਾਣਕਥਾਵਣ੍ਣਨਾ.