੮. ਕੁਕ੍ਕੁਲ਼ਕਥਾਵਣ੍ਣਨਾ

੩੩੮. ਇਦਾਨਿ ਕੁਕ੍ਕੁਲ਼ਕਥਾ ਨਾਮ ਹੋਤਿ. ਤਤ੍ਥ ਯੇਸਂ ‘‘ਸਬ੍ਬਂ, ਭਿਕ੍ਖਵੇ, ਆਦਿਤ੍ਤਂ (ਸਂ. ਨਿ. ੪.੨੮; ਮਹਾਵ. ੫੪) ਸਬ੍ਬੇ ਸਙ੍ਖਾਰਾ ਦੁਕ੍ਖਾ’’ਤਿਆਦੀਨਿ (ਧ. ਪ. ੨੭੮) ਸੁਤ੍ਤਾਨਿ ਅਯੋਨਿਸੋ ਗਹੇਤ੍ਵਾ ‘‘ਨਿਪ੍ਪਰਿਯਾਯੇਨੇਵ ਸਬ੍ਬੇ ਸਙ੍ਖਾਰਾ ਕੁਕ੍ਕੁਲ਼ਾ ਵੀਤਚ੍ਚਿਤਙ੍ਗਾਰਸਮ੍ਮਿਸ੍ਸਾ ਛਾਰਿਕਨਿਰਯਸਦਿਸਾ’’ਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਗੋਕੁਲਿਕਾਨਂ; ਤੇਸਂ ਨਾਨਪ੍ਪਕਾਰਸੁਖਸਨ੍ਦਸ੍ਸਨੇਨ ਤਂ ਲਦ੍ਧਿਂ ਵਿਵੇਚੇਤੁਂ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਪਰਵਾਦਿਸ੍ਸ. ਤਤ੍ਥ ਅਨੋਧਿਂ ਕਤ੍ਵਾਤਿ ਓਧਿਂ ਮਰਿਯਾਦਂ ਕੋਟ੍ਠਾਸਂ ਅਕਰਿਤ੍ਵਾ, ਅਵਿਸੇਸੇਨ ਸਬ੍ਬੇਯੇਵਾਤਿ ਅਤ੍ਥੋ. ਸੇਸਂ ਸਬ੍ਬਂ ਪਾਲ਼ਿਨਯੇਨੇਵ ਵੇਦਿਤਬ੍ਬਂ ਸਦ੍ਧਿਂ ਸੁਤ੍ਤਸਾਧਨਾਯਾਤਿ.

ਕੁਕ੍ਕੁਲ਼ਕਥਾਵਣ੍ਣਨਾ.