੨-੩-੪. ਅਞ੍ਞਾਣਾਦਿਕਥਾਵਣ੍ਣਨਾ

੩੧੪. ਇਦਾਨਿ ਅਞ੍ਞਾਣਂ, ਕਙ੍ਖਾ, ਪਰਵਿਤਰਣਾਤਿ ਤਿਸ੍ਸੋ ਕਥਾ ਨਾਮ ਹੋਨ੍ਤਿ. ਤਤ੍ਥ ਯੇਸਂ ‘‘ਅਰਹਤੋ ਇਤ੍ਥਿਪੁਰਿਸਾਦੀਨਂ ਨਾਮਗੋਤ੍ਤਾਦੀਸੁ ਞਾਣਪ੍ਪਵਤ੍ਤਿਯਾ ਅਭਾਵੇਨ ਅਤ੍ਥਿ ਅਞ੍ਞਾਣਂ, ਤਤ੍ਥੇਵ ਸਨ੍ਨਿਟ੍ਠਾਨਾਭਾਵੇਨ ਅਤ੍ਥਿ ਕਙ੍ਖਾ. ਯਸ੍ਮਾ ਚ ਨੇਸਂ ਤਾਨਿ ਵਤ੍ਥੂਨਿ ਪਰੇ ਵਿਤਰਨ੍ਤਿ ਪਕਾਸੇਨ੍ਤਿ ਆਚਿਕ੍ਖਨ੍ਤਿ, ਤਸ੍ਮਾ ਨੇਸਂ ਅਤ੍ਥਿ ਪਰਵਿਤਰਣਾ’’ਤਿ ਇਮਾ ਲਦ੍ਧਿਯੋ, ਸੇਯ੍ਯਥਾਪਿ ਏਤਰਹਿ ਪੁਬ੍ਬਸੇਲਿਯਾਦੀਨਂ; ਤੇਸਂ ਤਾ ਲਦ੍ਧਿਯੋ ਭਿਨ੍ਦਿਤੁਂ ਤੀਸੁਪਿ ਕਥਾਸੁ ਪੁਚ੍ਛਾ ਸਕਵਾਦਿਸ੍ਸ, ਪਟਿਞ੍ਞਾ ਚ ਪਟਿਕ੍ਖੇਪੋ ਚ ਇਤਰਸ੍ਸ. ਤਤ੍ਥ ਸਬ੍ਬੇਸੁਪਿ ਪਞ੍ਹੇਸੁ ਚੇਵ ਵਿਸ੍ਸਜ੍ਜਨੇਸੁ ਚ ਪਾਲ਼ਿਂ ਅਨੁਗਨ੍ਤ੍ਵਾਵ ਅਤ੍ਥੋ ਵੇਦਿਤਬ੍ਬੋਤਿ.

ਅਞ੍ਞਾਣਾਦਿਕਥਾਵਣ੍ਣਨਾ.