੬. ਚਮ੍ਪੇਯ੍ਯਕ੍ਖਨ੍ਧਕ
ਪੁਚ੍ਛਾ – ਸੁਦ੍ਧਂ ਆਵੁਸੋ ਭਿਕ੍ਖੁਂ ਅਨਾਪਤ੍ਤਿਕਂ ਅਵਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਨ੍ਤਸ੍ਸ ਦੁਕ੍ਕਟਂ ਭਗਵਤਾ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਚਮ੍ਪਾਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਭਗਵਤਿ ਭਨ੍ਤੇ ਚਮ੍ਪਾਯਂ ਵਿਹਰਤਿ ਸਮ੍ਬਹੁਲਾ ਭਿਕ੍ਖੂ ਕਾਸੀਸੁ ਵਾਸਭਗਾਮੇ ਸੁਦ੍ਧਂ ਕਸ੍ਸਪਗੋਤ੍ਤਂ ਭਿਕ੍ਖੁਂ ਅਨਾਪਤ੍ਤਿਕਂ ਅਵਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਚਮ੍ਪੇਯ੍ਯਕਂ ਪੁਚ੍ਛਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਆਵੁਸੋ ਕਤਿ ਆਪਤ੍ਤਿਯੋ.
ਵਿਸ੍ਸਜ੍ਜਨਾ – ਚਮ੍ਪੇਯ੍ਯਕਂ ਵਿਸ੍ਸਜ੍ਜਿਸ੍ਸਂ, ਸਨਿਦਾਨਂ ਸਨਿਦ੍ਦੇਸਂ. ਸਮੁਕ੍ਕਟ੍ਠਪਦਾਨਂ ਭਨ੍ਤੇ ਏਕਾ ਆਪਤ੍ਤਿ.