ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਵਿਨਯਪਿਟਕ
ਸਂਗਾਯਨਸ੍ਸ ਪੁਚ੍ਛਾ ਵਿਸ੍ਸਜ੍ਜਨਾ
ਓਕਾਸ ਦਾਨਕਥਾ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਮਹਤੀ ਅਯਂ ਪਰਿਸਾ, ਏਵਰੂਪਾਯ ਪਰਿਸਾਯ ਨ ਸੁਕਰਾ ਸਬ੍ਬਸੋ ਕਥਂ ਸਾਵੇਤੁਂ, ਤਸ੍ਮਾ ਆਯਸ੍ਮਤੋ ਚ ਜਵਨਤ੍ਥੇਰਸ੍ਸ ਪਖੁਕ੍ਕੂਨਗਰਵਾਸਿਨੋ ਆਯਸ੍ਮਤੋ ਚ ਵਿਚਿਤ੍ਤਸਾਰਾਭਿਵਂਸਸ੍ਸ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਸ੍ਸ ਵਿਨਯਪੁਚ੍ਛਨਭਾਰਞ੍ਚ ਵਿਨਯਵਿਸ੍ਸਜ੍ਜਨ ਭਾਰਞ੍ਚ ਆਵਹਿਤੁਂ ਓਕਾਸਂ ਦਮ੍ਮਿ, ਕਰੋਥ ਤੁਮ੍ਹੇ ਆਵੁਸੋ ਛਟ੍ਠਸਂਗੀਤਿਪੁਬ੍ਬਙ੍ਗਮਾਨਿ ਵਿਨਯਪੁਚ੍ਛਨ ਵਿਨਯਵਿਸ੍ਸਜ੍ਜਨ ਕਿਚ੍ਚਾਨਿ ਯਥਾਧਮ੍ਮਂ ਯਥਾਵਿਨਯਂ.
ਅਗ੍ਗਮਹਾਪਣ੍ਡਿਤ ਭਦਨ੍ਤਜਵਨ ਮਹਾਥੇਰੇਨ
ਠਪਿਤਾ
ਪੁਚ੍ਛਕ ਸਮ੍ਮੁਤਿ ਞਾਤ੍ਤਿ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਵਿਨਯਂ ਪੁਚ੍ਛੇਯ੍ਯਂ.
ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕ
ਭਦਨ੍ਤਵਿਚਿਤ੍ਤਸਾਰਾਭਿਵਂਸੇਨ
ਠਪਿਤਾ ਵਿਸ੍ਸਜ੍ਜਕ ਸਮ੍ਮੁਤਿ ਞਾਤ੍ਤਿ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਆਯਸ੍ਮਤਾ ਜਵਨਤ੍ਥੇਰੇਨ ਸਙ੍ਘਨਾਯਕ ਮਹਾਥੇਰਸ੍ਸ ਪਟਿਨਿਧਿਭੂਤੇਨ ਵਿਨਯਂ ਪੁਟ੍ਠੋ ਵਿਸ੍ਸਜ੍ਜੇਯ੍ਯਂ.
ਪਠਮ ਪਾਰਾਜਿਕ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਪਠਮਂ ਪਾਰਾਜਿਕਂ ਕਤ੍ਥ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਪਞ੍ਞਤ੍ਤਂ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸੁਦਿਨ੍ਨਂ ਭਨ੍ਤੇ ਕਲਨ੍ਦਪੁਤ੍ਤਂ ਆਰਬ੍ਭ ਪਞ੍ਞਤ੍ਤਂ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸੁਦਿਨ੍ਦੋ ਭਨ੍ਤੇ ਕਲਨ੍ਦਪੁਤ੍ਤੋ ਪੁਰਾਣਦੁਤਿਯਿਕਾਯ ਮੇਥੁਨਂ ਧਮ੍ਮਂ ਪਟਿਸੇਵਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਅਤ੍ਥਿ ਆਵੁਸੋ ਤਤ੍ਥ ਪਞ੍ਞਤ੍ਤਿ ਅਨੁਪਞ੍ਞਤ੍ਤਿ ਅਨੁਪ੍ਪਨ੍ਨਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਏਕਾ ਭਨ੍ਤੇ ਪਞ੍ਞਤ੍ਤਿ ਦ੍ਵੇ ਅਨੁਪਞ੍ਞਤ੍ਤਿਯੋ, ਅਨੁਪ੍ਪਨ੍ਨਪਞ੍ਞਤ੍ਤਿ ਤਸ੍ਮਿਂ ਨਤ੍ਥਿ.
ਪੁਚ੍ਛਾ – ਸਬ੍ਬਤ੍ਥਪਞ੍ਞਤ੍ਤਿਨੁਖੋ ਆਵੁਸੋ ਪਦੇਸਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਸਬ੍ਬਤ੍ਥਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਸਾਧਾਰਣਪਞ੍ਞਤ੍ਤਿਨੁਖੋ ਆਵੁਸੋ ਅਸਾਧਾਰਣਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਸਾਧਾਰਣਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਏਕਤੋਪਞ੍ਞਤ੍ਤਿਨੁਖੋ ਆਵੁਸੋ ਉਭਤੋਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਉਭਤੋਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਪਞ੍ਚਨ੍ਨਂ ਆਵੁਸੋ ਪਾਤਿਮੋਕ੍ਖੁਦ੍ਦੇਸਾਨਂ ਕਤ੍ਥੋਗਧਂ ਕਤ੍ਥ ਪਰਿਯਾਪਨ੍ਨਂ.
ਵਿਸ੍ਸਜ੍ਜਨਾ – ਨਿਦਾਨੋਗਧਂ ਭਨ੍ਤੇ ਨਿਦਾਨਪਰਿਯਾਪਨ੍ਨਂ.
ਪੁਚ੍ਛਾ – ਕਤਮੇਨ ਆਵੁਸੋ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਵਿਸ੍ਸਜ੍ਜਨਾ – ਦੁਤਿਯੇਨ ਭਨ੍ਤੇ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਪੁਚ੍ਛਾ – ਚਤੁਨ੍ਨਂ ਆਵੁਸੋ ਵਿਪਤ੍ਤੀਨਂ ਕਤਮਾ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਸੀਲਵਿਪਤ੍ਤਿ ਭਨ੍ਤੇ.
ਪੁਚ੍ਛਾ – ਕਾ ਆਵੁਸੋ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਅਸਂਵਰੋ ਭਨ੍ਤੇ ਵਿਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਸਮ੍ਪਤ੍ਤਿ.
ਵਿਸ੍ਸਜ੍ਜਨਾ – ਸਂਵਰੋ ਭਨ੍ਤੇ ਸਮ੍ਮਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਪਟਿਪਤ੍ਤਿ.
ਵਿਸ੍ਸਜ੍ਜਨਾ – ਨ ਏਵਰੂਪਂ ਕਰਿਸ੍ਸਾਮੀਤਿ ਯਾਵਜੀਵਂ ਆਪਾਣਕੋਟਿਕਂ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ, ਅਯਂ ਭਨ੍ਤੇ ਪਟਿਪਤ੍ਤਿ.
ਪੁਚ੍ਛਾ – ਕਤਿ ਆਵੁਸੋ ਅਤ੍ਥਵਸੇ ਪਟਿਚ੍ਚ ਭਗਵਤਾ ਪਠਮਂ ਪਾਰਾਜਿਕਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਦਸ ਭਨ੍ਤੇ ਅਤ੍ਥਵਸੇ ਪਟਿਚ੍ਚ ਭਗਵਤਾ ਪਠਮਂ ਪਾਰਾਜਿਕਂ ਪਞ੍ਞਤ੍ਤਂ, ੧ - ਸਙ੍ਘਸੁਟ੍ਠੁਤਾਯ, ੨ - ਸਙ੍ਘਫਾਸੁਤਾਯ, ੩ - ਦੁਮ੍ਮਙ੍ਕੂਨਂ ਪੁਗ੍ਗਲਾਨਂ ਨਿਗ੍ਗਹਾਯ, ੪ - ਪੇਸਲਾਨਂ ਭਿਕ੍ਖੂਨਂ ਫਾਸੁਵਿਹਾਰਾਯ, ੫ - ਦਿਟ੍ਠਧਮ੍ਮਿਕਾਨਂ ਆਸਵਾਨਂ ਸਂਵਰਾਯ, ੬ - ਸਮ੍ਪਰਾਯਿਕਾਨਂ ਆਸਵਾਨਂ ਪਟਿਘਾਤਾਯ, ੭ - ਅਪ੍ਪਸਨ੍ਨਾਨਂ ਪਸਾਦਾਯ, ੮ - ਪਸਨ੍ਨਾਨਂ ਭਿਯ੍ਯੋਭਾਵਾਯ, ੯ - ਸਦ੍ਧਮ੍ਮਟ੍ਠਿਤਿਯਾ, ੧੦ - ਵਿਨਯਾਨੁਗ੍ਗਹਾਯ.
ਪੁਚ੍ਛਾ – ਕੇ ਆਵੁਸੋ ਸਿਕ੍ਖਨ੍ਤਿ.
ਵਿਸ੍ਸਜ੍ਜਨਾ – ਸੇਕ੍ਖਾਚ ਭਨ੍ਤੇ ਪੁਥੁਜ੍ਜਨਕਲ੍ਯਾਣਕਾਚ ਸਿਕ੍ਖਨ੍ਤਿ.
ਪੁਚ੍ਛਾ – ਕੇ ਆਵੁਸੋ ਸਿਕ੍ਖਿਤਸਿਕ੍ਖਾ.
ਵਿਸ੍ਸਜ੍ਜਨਾ – ਅਰਹਨ੍ਤੋ ਭਨ੍ਤੇ ਸਿਕ੍ਖਿਤਸਿਕ੍ਖਾ.
ਪੁਚ੍ਛਾ – ਕਤ੍ਥ ਆਵੁਸੋ ਠਿਤਂ.
ਵਿਸ੍ਸਜ੍ਜਨਾ – ਸਿਕ੍ਖਾਕਾਮੇਸੁ ਭਨ੍ਤੇ ਠਿਤਂ.
ਪੁਚ੍ਛਾ – ਕੇ ਆਵੁਸੋ ਧਾਰੇਨ੍ਤਿ.
ਵਿਸ੍ਸਜ੍ਜਨਾ – ਯੇਸਂ ਭਨ੍ਤੇ ਵਤ੍ਤਤਿ ਤੇ ਧਾਰੇਨ੍ਤਿ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.
ਸਂਗਾਯਨਤ੍ਥਾਯ ਸਙ੍ਘਸ੍ਸ ਞਾਪਨਂ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ ਅਹਂ ਭਨ੍ਤੇ ਆਯਸ੍ਮਨ੍ਤਂ ਵਿਚਿਤ੍ਥਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਪਠਮਸ੍ਸ ਪਾਰਾਜਿਕਸ੍ਸ ਨਿਦਾਨਮ੍ਪਿ ਪੁਚ੍ਛਿਂ, ਪੁਗ੍ਗਲਮ੍ਪਿ ਪੁਚ੍ਛਿਂ, ਵਤ੍ਥੁਮ੍ਪਿ ਪੁਚ੍ਛਿਂ, ਪਞ੍ਞਤ੍ਤਿ ਅਨੁਪਞ੍ਞਤ੍ਤਿਆਦੀਨਿਪਿ ਪੁਚ੍ਛਿਂ, ਪੁਟ੍ਠੋ ਪੁਟ੍ਠੋਚ ਸੋ ਆਯਸ੍ਮਾਵਿਚਿਤ੍ਤਸਾਰਾਭਿਵਂਸੋ ਵਿਸ੍ਸਜ੍ਜੇਸਿ, ਇਤਿਹਿਦਂ ਭਨ੍ਤੇ ਪਠਮਂ ਪਾਰਾਜਿਕ ਸਿਕ੍ਖਾਪਦਂ ਨਿਮ੍ਮਲਂ ਸੁਪਰਿਸੁਦ੍ਧਂ ਤਸ੍ਸੇਵ ਭਗਵਤੋ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਤਸ੍ਮਾ ਯਥਾਪੁਰੇ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯ ਸਙ੍ਖਾਤਸ੍ਸ ਬੁਦ੍ਧਸਾਸਨਸ੍ਸ ਚਿਰਟ੍ਠਿਤਿਯਾ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਧਮ੍ਮਵਿਨਯਂ ਸਙ੍ਗਾਯਿਂਸੁਚੇਵ ਅਨੁਸਙ੍ਗਾਯਿਂਸੁਚ, ਏਵਮੇਵ ਮਯਮ੍ਪਿ ਦਾਨਿ ਸਬ੍ਬੇਵ ਛਟ੍ਠਸਂਗੀਤਿਮਹਾਧਮ੍ਮਸਭਾਪਰਿਯਾਪਨ੍ਨਾ ਇਦਂ ਪਠਮ ਪਾਰਾਜਿਕ ਸਿਕ੍ਖਾਪਦਂ ਏਕਤੋਸਜ੍ਝਾਯਨਵਸੇਨ ਸਂਗਾਯੇਯ੍ਯਾਮ.
ਰੇਵਤਾਭਿ ਪਣ੍ਡਿਤਧਜ ਸਾਸਨਵਂਸ ਮਹਾਧਮ੍ਮਰਾਜਗੁਰੁਨੋ
ਅਭਿਧਜਮਹਾਰਟ੍ਠਗੁਰੁਨੋਚ ਸਙ੍ਘਨਾਯਕ ਮਹਾਥੇਰਸ੍ਸ
ਓਕਾਸ ਦਾਨਕਥਾ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਮਹਤੀ ਅਯਂ ਪਰਿਸਾ, ਏਵਰੂਪਾਯ ਪਰਿਸਾਯ ਨ ਸੁਕਰਾ ਸਬ੍ਬਸੋ ਕਥਂ ਸਾਵੇਤੁਂ, ਤਸ੍ਮਾ ਆਯਸ੍ਮਤੋਚ ਸੋਭਨਸ੍ਸ ਸਾਸਨਰਿ ਸਾਰਾਮਾਧਿਵਾਸਿਨੋ ਆਯਸ੍ਮਤੋਚ ਵਿਚਿਤ੍ਤਸਾਰਾਭਿਵਂਸਸ੍ਸ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਸ੍ਸ ਵਿਨਯਪੁਚ੍ਛਨਭਾਰਞ੍ਚ ਵਿਨਯਵਿਸ੍ਸਜ੍ਜਨਭਾਰਞ੍ਚ ਆਵਹਿਤੁਂ ਓਕਾਸਂ ਦਮ੍ਮਿ, ਕਰੋਥ ਤੁਮ੍ਹੇ ਆਵੁਸੋ ਛਟ੍ਠਸਂਗੀਤਿਪੁਬ੍ਬਙ੍ਗਮਾਨਿ ਵਿਨਯਪੁਚ੍ਛਨ ਵਿਨਯਵਿਸ੍ਸਜ੍ਜਨ ਕਿਚ੍ਚਾਨਿ ਯਥਾਧਮ੍ਮਂ ਯਥਾਵਿਨਯਂ.
ਅਗ੍ਗਮਹਾਪਣ੍ਡਿਤ ਭਦਨ੍ਤ ਸੋਭਨਤ੍ਥੇਰੇਨ
ਠਪਿਤਾ ਪੁਚ੍ਛਕ ਸਮ੍ਮੁਤਿ ਞਾਤ੍ਤਿ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਵਿਨਯਂ ਪੁਚ੍ਛੇਯ੍ਯਂ.
ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕ
ਭਦਨ੍ਤਵਿਚਿਤ੍ਤਸਾਰਾਭਿਵਂਸੇਨ
ਠਪਿਤਾ ਵਿਸ੍ਸਜ੍ਜਕ ਸਮ੍ਮੁਤਿ ਞਾਤ੍ਤਿ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਯਦਿਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਆਯਸ੍ਮਤਾ ਸੋਭਨਤ੍ਥੇਰੇਨ ਸਙ੍ਘਨਾਯਕ ਮਹਾਥੇਰਸ੍ਸ ਪਟਿਨਿਧਿਭੂਤੇਨ ਵਿਨਯਂ ਪੁਟ੍ਠੋ ਵਿਸ੍ਸਜ੍ਜੇਯ੍ਯਂ.
ਦੁਤਿਯ ਪਾਰਾਜਿਕ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਦੁਤਿਯਂ ਪਾਰਾਜਿਕਂ ਕਤ੍ਥ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਪਞ੍ਞਤ੍ਤਂ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਧਨਿਯਂ ਭਨ੍ਤੇ ਕੁਮ੍ਭਕਾਰਪੁਤ੍ਤਂ ਆਰਬ੍ਭ ਪਞ੍ਞਤ੍ਤਂ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਧਨਿਯੋ ਭਨ੍ਤੇ ਕੁਮ੍ਭਕਾਰਪੁਤ੍ਤੋ ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਿ, ਤਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਅਤ੍ਥਿ ਆਵੁਸੋ ਤਤ੍ਥ ਪਞ੍ਞਤ੍ਤਿ ਅਨੁਪਞ੍ਞਤ੍ਤਿ ਅਨੁਪ੍ਪਨ੍ਨਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਏਕਾ ਭਨ੍ਤੇ ਪਞ੍ਞਤ੍ਤਿ ਏਕਾ ਅਨੁਪਞ੍ਞਤ੍ਤਿ ਅਨੁਪ੍ਪਨ੍ਨਪਞ੍ਞਤ੍ਤਿ ਤਸ੍ਮਿਂ ਨਤ੍ਥਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਮੂਲਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਯੋ ਪਨ ਭਿਕ੍ਖੁ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂਵਾ ਬਨ੍ਧੇਯ੍ਯੁਂਵਾ ਪਬ੍ਬਾਜੇਯ੍ਯੁਂਵਾ ਚੋਰੋਸਿ ਬਾਲੋਸਿ ਮੁਲ਼੍ਹੋਸਿ ਥੇਨੋਸੀਤਿ ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋਤਿ ਅਯਂ ਭਨ੍ਤੇ ਤਤ੍ਥ ਮੂਲਪਞ੍ਞਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਅਨੁਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਗਾਮਾਵਾ ਅਰਞ੍ਞਾਵਾਤਿ ਅਯਂ ਭਨ੍ਤੇ ਤਤ੍ਥ ਅਨੁਪਞ੍ਞਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਪਰਿਪੁਣ੍ਣਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਯੋ ਪਨ ਭਿਕ੍ਖੁ ਗਾਮਾਵਾ ਅਰਞ੍ਞਾਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਕਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂਵਾ ਬਨ੍ਧੇਯ੍ਯੁਂਵਾ ਪਬ੍ਬਾਜੇਯ੍ਯੁਂਵਾ ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀਤਿ ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋਤਿ ਅਯਂ ਭਨ੍ਤੇ ਤਤ੍ਥ ਪਰਿਪੁਣ੍ਣਪਞ੍ਞਤ੍ਤਿ.
ਪੁਚ੍ਛਾ – ਸਬ੍ਬਤ੍ਥਪਞ੍ਞਤ੍ਤਿ ਨੁਖੋ ਆਵੁਸੋ ਪਦੇਸਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਸਬ੍ਬਤ੍ਥਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਸਾਧਾਰਣਪਞ੍ਞਤ੍ਤਿਨੁਖੋ ਆਵੁਸੋ ਅਸਾਧਾਰਣਪਞ੍ਞਤ੍ਤਿ ਨੁਖੋ.
ਵਿਸ੍ਸਜ੍ਜਨਾ – ਸਾਧਾਰਣਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਏਕਤੋਪਞ੍ਞਤ੍ਤਿਨੁਖੋ ਆਵੁਸੋ ਉਭਤੋਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਉਭਤੋਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਤਸ੍ਮਿਂ ਆਵੁਸੋ ਦੁਤਿਯ ਪਾਰਾਜਿਕੇ ਅਦਿਨ੍ਨਂ ਆਦਿਯਨ੍ਤੋ ਕਤਿ ਆਪਤ੍ਤਿਯੋ ਆਪਜ੍ਜਤਿ ਵਿਭਜਿਤ੍ਵਾ ਵਿਸ੍ਸਜ੍ਜੇਹਿ.
ਵਿਸ੍ਸਜ੍ਜਨਾ – ਅਦਿਨ੍ਨਂ ਭਨ੍ਤੇ ਆਦਿਯਨ੍ਤੋ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ, ਪਞ੍ਚ ਮਾਸਕਂਵਾ ਅਤਿਰੇਕ ਪਞ੍ਚ ਮਾਸਕਂਵਾ ਅਗ੍ਘਨਕਂ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਤਿ ਆਪਤ੍ਤਿ ਪਾਰਾਜਿਕਸ੍ਸ, ਊਨਪਞ੍ਚਮਾਸਕਂਵਾ ਅਤਿਰੇਕਮਾਸਕਂਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਤਿ ਆਪਤ੍ਤਿ ਥੁਲ੍ਲਚ੍ਚਯਸ੍ਸ, ਮਾਸਕਂਵਾ ਊਨਮਾਸਕਵਾ ਅਗ੍ਘਨਕਂ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਤਿ ਆਪਤ੍ਤਿ ਦੁਕ੍ਕਟਸ੍ਸ, ਅਦਿਨ੍ਨਂ ਭਨ੍ਤੇ ਆਦਿਯਨ੍ਤੋ ਇਮਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ.
ਪੁਚ੍ਛਾ – ਕੇਸਂ ਆਵੁਸੋ ਅਨਾਪਤ੍ਤਿ.
ਵਿਸ੍ਸਜ੍ਜਨਾ – ਦਸਨ੍ਨਂ ਭਨ੍ਤੇ ਪੁਗ੍ਗਲਾਨਂ ਅਨਾਪਤ੍ਤਿ, ਸਕਸਞ੍ਞਿਸ੍ਸ, ਵਿਸ੍ਸਾਸਗ੍ਗਾਹੇਨ ਗਣ੍ਹਨ੍ਤਸ੍ਸ, ਤਾਵਕਾਲਿਕਂ ਗਣ੍ਹਨ੍ਤਸ੍ਸ, ਪੇਤਪਰਿਗ੍ਗਹਂ ਗਣ੍ਹਨ੍ਤਸ੍ਸ, ਤਿਰਚ੍ਛਾਨਗਤਪਰਿਗ੍ਗਹਂ ਗਣ੍ਹਨ੍ਤਸ੍ਸ, ਪਂਸੁਕੂਲਸਞ੍ਞਿਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.
ਪੁਚ੍ਛਾ – ਪਞ੍ਚਨ੍ਨਂ ਆਵੁਸੋ ਪਾਤਿਮੋਕ੍ਖੁਦ੍ਦੇਸਾਨਂ ਕਤ੍ਥੋਗਧਂ ਕਤ੍ਥਪਰਿਯਾਪਨ੍ਨਂ.
ਵਿਸ੍ਸਜ੍ਜਨਾ – ਨਿਦਾਨੋਗਧਂ ਭਨ੍ਤੇ ਨਿਦਾਨਪਰਿਯਾਪਨ੍ਨਂ.
ਪੁਚ੍ਛਾ – ਕਤਮੇਨ ਆਵੁਸੋ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਵਿਸ੍ਸਜ੍ਜਨਾ – ਦੁਤਿਯੇਨ ਭਨ੍ਤੇ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਪੁਚ੍ਛਾ – ਚਤੁਨ੍ਨਂ ਆਵੁਸੋ ਵਿਪਤ੍ਤੀਨਂ ਕਤਮਾ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਸੀਲਵਿਪਤ੍ਤਿ ਭਨ੍ਤੇ.
ਪੁਚ੍ਛਾ – ਸਤ੍ਤਨ੍ਨਂ ਆਵੁਸੋ ਆਪਤ੍ਤਿਕ੍ਖਨ੍ਧਾਨਂ ਕਤਮੋ ਆਪਤ੍ਤਿਕ੍ਖਨ੍ਧੋ.
ਵਿਸ੍ਸਜ੍ਜਨਾ – ਪਾਰਾਜਿਕਾਪਤ੍ਤਿਕ੍ਖਨ੍ਧੋ ਭਨ੍ਤੇ.
ਪੁਚ੍ਛਾ – ਛਨ੍ਨਂ ਆਵੁਸੋ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ.
ਵਿਸ੍ਸਜ੍ਜਨਾ – ਤੀਹਿ ਭਨ੍ਤੇ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਸਿਯਾ ਕਾਯਤੋਚ ਚਿਤ੍ਤਤੋਚ ਸਮੁਟ੍ਠਾਤਿ, ਨ ਵਾਚਾਤੋ, ਸਿਯਾ ਵਾਚਾਤੋਚ
ਚਿਤ੍ਤਤੋਚ ਸਮੁਟ੍ਠਾਤਿ, ਨ ਕਾਯਤੋ, ਸਿਯਾ ਕਾਯਤੋਚ ਵਾਚਾਤੋਚ ਚਿਤ੍ਤਤੋਚ ਸਮੁਟ੍ਠਾਤਿ.
ਪੁਚ੍ਛਾ – ਚਤੁਨ੍ਨਂ ਆਵੁਸੋ ਅਧਿਕਰਣਾਨਂ ਕਤਮਂ ਅਧਿਕਰਣਂ.
ਵਿਸ੍ਸਜ੍ਜਨਾ – ਆਪਤ੍ਤਾਧਿਕਰਣਂ ਭਨ੍ਤੇ.
ਪੁਚ੍ਛਾ – ਸਤ੍ਤਨ੍ਨਂ ਆਵੁਸੋ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਤਿ.
ਵਿਸ੍ਸਜ੍ਜਨਾ – ਦ੍ਵਿਹਿ ਭਨ੍ਤੇ ਸਮਥੇਹਿ ਸਮ੍ਮਤਿ ਸਮ੍ਮੁਖਾਵਿਨਯੇਨਚ ਪਟਿਞ੍ਞਾਤ ਕਰਣੇਨਚ.
ਪੁਚ੍ਛਾ – ਕੋ ਆਵੁਸੋ ਤਤ੍ਥ ਵਿਨਯੋ, ਕੋ ਤਤ੍ਥ ਅਭਿਵਿਨਯੋ.
ਵਿਸ੍ਸਜ੍ਜਨਾ – ਪਞ੍ਞਤ੍ਤਿ ਭਨ੍ਤੇ ਵਿਨਯੋ ਵਿਭਤ੍ਤਿ ਅਭਿਵਿਨਯੋ.
ਪੁਚ੍ਛਾ – ਕਿਂਆਵੁਸੋ ਤਤ੍ਥ ਪਾਤਿਮੋਕ੍ਖਂ ਕਿਂ ਤਤ੍ਥ ਅਧਿਪਾਤਿਮੋਕ੍ਖਂ.
ਵਿਸ੍ਸਜ੍ਜਨਾ – ਪਞ੍ਞਤ੍ਤਿ ਭਨ੍ਤੇ ਪਾਤਿਮੋਕ੍ਖਂ, ਵਿਭਤ੍ਤਿ ਅਧਿਪਾਤਿਮੋਕ੍ਖਂ.
ਪੁਚ੍ਛਾ – ਕਾ ਆਵੁਸੋ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਅਸਂਵਰੋ ਭਨ੍ਤੇ ਵਿਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਸਮ੍ਪਤ੍ਤਿ.
ਵਿਸ੍ਸਜ੍ਜਨਾ – ਸਂਵਰੋ ਭਨ੍ਤੇ ਸਮ੍ਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਪਟਿਪਤ੍ਤਿ.
ਵਿਸ੍ਸਜ੍ਜਨਾ – ਨ ਏਵਰੂਪਂ ਕਰਿਸ੍ਸਾਮੀਤਿ ਯਾਵਜੀਵਂ ਆਪਾਣਕੋਟਿਕਂ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ ਅਯਂ ਭਨ੍ਤੇ ਤਤ੍ਥ ਪਟਿਪਤ੍ਤਿ.
ਪੁਚ੍ਛਾ – ਕਤਿ ਆਵੁਸੋ ਅਤ੍ਥਵਸੇ ਪਟਿਚ੍ਚ ਭਗਵਤਾ ਦੁਤਿਯਂ ਪਾਰਾਜਿਕਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਦਸ ਭਨ੍ਤੇ ਅਤ੍ਥਵਸੇ ਪਟਿਚ੍ਚ ਭਗਵਤਾ ਦੁਤਿਯਂ ਪਾਰਾਜਿਕਂ ਪਞ੍ਞਤ੍ਤਂ. ਸਙ੍ਘਸੁਟ੍ਠੁਤਾਯ ਸਙ੍ਘਫਾਸੁਤਾਯ ਦੁਮ੍ਮਙ੍ਕੂਨਂ ਪੁਗ੍ਗਲਾਨਂ ਨਿਗ੍ਗਹਾਯ ਪੇਸਲਾਨਂ ਭਿਕ੍ਖੂਨਂ ਫਾਸੁਵਿਹਾਰਾਯ ਦਿਟ੍ਠਧਮ੍ਮਿਕਾਨਂ ਆਸਵਾਨਂ ਸਂਵਰਾਯ ਸਮ੍ਪਰਾਯਿਕਾਨਂ ਆਸਵਾਨਂ ਪਟਿਘਾਤਾਯ ਅਪ੍ਪਸਨ੍ਨਾਨਂ ਪਸਾਦਾਯ ਪਸਨ੍ਨਾਨਂ ਭਿਯ੍ਯੋਭਾਵਾਯ ਸਦ੍ਧਮ੍ਮਟ੍ਠਿਤਿਯਾ ਵਿਨਯਾਨੁਗ੍ਗਹਾਯ.
ਪੁਚ੍ਛਾ – ਕੋ ਆਵੁਸੋ ਸਿਕ੍ਖਨ੍ਤਿ.
ਵਿਸ੍ਸਜ੍ਜਨਾ – ਸੇਕ੍ਖਾਚ ਭਨ੍ਤੇ ਪੁਥੁਜ੍ਜਨਕਲ੍ਯਾਣਕਾਚ ਸਿਕ੍ਖਨ੍ਤਿ.
ਪੁਚ੍ਛਾ – ਕੇ ਆਵੁਸੋ ਸਿਕ੍ਖਿਤਸਿਕ੍ਖਾ.
ਵਿਸ੍ਸਜ੍ਜਨਾ – ਅਰਹਨ੍ਤੋ ਭਨ੍ਤੇ ਸਿਕ੍ਖਿਤਸਿਕ੍ਖਾ.
ਪੁਚ੍ਛਾ – ਕਤ੍ਥ ਆਵੁਸੋ ਠਿਤਂ.
ਵਿਸ੍ਸਜ੍ਜਨਾ – ਸਿਕ੍ਖਾਕਾਮੇਸੁ ਭਨ੍ਤੇ ਠਿਤਂ.
ਪੁਚ੍ਛਾ – ਕੇ ਆਵੁਸੋ ਧਾਰੇਨ੍ਤਿ.
ਵਿਸ੍ਸਜ੍ਜਨਾ – ਯੇਸਂ ਭਨ੍ਤੇ ਵਤ੍ਤਤਿ ਤੇ ਧਾਰੇਨ੍ਤਿ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤਾ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਮੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.
ਪੁਚ੍ਛਾ – ਅਤ੍ਥਿ ਨੁ ਖੋ ਆਵੁਸੋ ਤਤ੍ਥ ਉਪਨੇਤਬ੍ਬਂ ਵਾ ਅਪਨੇਤਬ੍ਬਂ ਵਾ ਅਕ੍ਖਰਪਦਪਚ੍ਚਾਭਟ੍ਠਂ ਵਾ ਵਿਰਦ੍ਧਪਦਬ੍ਯਞ੍ਜਨਂ ਵਾ.
ਵਿਸ੍ਸਜ੍ਜਨਾ – ਨਤ੍ਥਿ ਭਨ੍ਤੇ.
‘‘ਸਂਗਾਯਨਤ੍ਥਾਯ ਸਙ੍ਘਸ੍ਸ ਞਾਪਨਂ’’
ਸੁਣਾਤੁ ਮੇ ਭਨ੍ਤੇ ਸਙ੍ਘੋ ਅਹਂ ਭਨ੍ਤੇ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸ ਤਿਪਿਟਕਧਰਧਮ੍ਮਭਣ੍ਡਾਗਾਰਿਕਂ ਦੁਤਿਯਸ੍ਸ ਪਾਰਾਜਿਕਸ੍ਸ ਨਿਦਾਨਮ੍ਪਿ ਪੁਚ੍ਛਿਂ, ਪੁਗ੍ਗਲਮ੍ਪਿ ਪੁਚ੍ਛਿਂ, ਵਤ੍ਥੁਮ੍ਪਿ ਪੁਚ੍ਛਿਂ, ਪਞ੍ਞਤ੍ਤਿਮ੍ਪਿ ਪੁਚ੍ਛਿਂ, ਅਨੁਪਞ੍ਞਤ੍ਤਿਮ੍ਪਿ ਪੁਚ੍ਛਿਂ, ਆਪਤ੍ਤਿਮ੍ਪਿ ਪੁਚ੍ਛਿਂ, ਅਨਾਪਤ੍ਤਿਮ੍ਪਿ ਪੁਚ੍ਛਿਂ, ਅਞ੍ਞਾਨਿਪਿ ਈਦਿਸਾਨਿ ਪੁਚ੍ਛਿਤਬ੍ਬਟ੍ਠਾਨਾਨਿ ਅਨੇਕਾਨਿ ਪੁਚ੍ਛਿਂ, ਪੁਟ੍ਠੋ ਪੁਟ੍ਠੋਚ ਸੋ ਆਯਸ੍ਮਾ ਵਿਚਿਤ੍ਤਸਾਰਾਭਿਵਂਸੋ ਵਿਸ੍ਸਜ੍ਜੇਸਿ. ਇਤਿ ਹਿਦਂ ਭਨ੍ਤੇ ਇਦਂ ਦੁਤਿਯਂ ਪਾਰਾਜਿਕ ਸਿਕ੍ਖਾਪਦਂ ਨਿਮ੍ਮਲਂ, ਸੁਪਰਿਸੁਦ੍ਧਂ, ਤਸ੍ਸੇਵ ਭਗਵਤੋ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਤਸ੍ਮਾ ਯਥਾ ਪੁਰੇ ਮਹਾਕਸ੍ਸ ਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯਸਙ੍ਖਾਤਸ੍ਸ ਬੁਦ੍ਧਸਾਸਨਸ੍ਸ ਚਿਰਟ੍ਠਿਤਿਯਾ, ਬਹੁਜਨਹਿਤਾਯ, ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ, ਹਿਤਾਯ, ਸੁਖਾਯ, ਦੇਵਮਨੁਸ੍ਸਾਨਂ ਧਮ੍ਮਵਿਨਯਂ ਸਙ੍ਗਾਯਿਂਸੁਚੇਵ ਅਨੁਸਙ੍ਗਾਯਿਂਸੁਚ, ਏਵਮੇਵ ਮਯਮ੍ਪਿ ਦਾਨਿ ਸਬ੍ਬੇਵ ਛਟ੍ਠਸਂਗੀਤਿਮਹਾਧਮ੍ਮਸਭਾਪਰਿਯਾਪਨ੍ਨਾ ਇਦਂ ਦੁਤਿਯ ਪਾਰਾਜਿਕ ਸਿਕ੍ਖਾਪਦਂ ਏਕਤੋ ਗਣਸਜ੍ਝਾਯਂ ਕਤ੍ਵਾ ਸਮਗ੍ਗਾ ਸਮ੍ਮੋਦਮਾਨਾ ਹੁਤ੍ਵਾ ਸਙ੍ਗਾਯੇਯ੍ਯਾਮ.
ਤਤਿਯ ਪਾਰਾਜਿਕ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ (ਪ) ਸਮ੍ਮਾਸਮ੍ਬੁਦ੍ਧੇਨ ਤਤਿਯਂ ਪਾਰਾਜਿਕਂ ਕਤ੍ਥ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਪਞ੍ਞਤ੍ਤਂ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਮ੍ਬਹੁਲੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਵਿਸ੍ਸਜ੍ਜਨਾ – ਸਮ੍ਬਹੁਲਾ ਭਨ੍ਤੇ ਭਿਕ੍ਖੁ ਅਞ੍ਞਮਞ੍ਞਂ ਜੀਵਿਤਾ ਵੋਰੋਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.
ਪੁਚ੍ਛਾ – ਅਤ੍ਥਿ ਨੁਖੋ ਆਵੁਸੋ ਤਤ੍ਥ ਪਞ੍ਞਤ੍ਤਿ ਅਨੁਪਞ੍ਞਤ੍ਤਿ ਅਨੁਪ੍ਪਨ੍ਨਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਏਕਾ ਭਨ੍ਤੇ ਪਞ੍ਞਤ੍ਤਿ, ਏਕਾ ਅਨੁਪਞ੍ਞਤ੍ਤਿ, ਅਨੁਪ੍ਪਨ੍ਨਪਞ੍ਞਤ੍ਤਿ ਤਸ੍ਮਿਂ ਨਤ੍ਥਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਮੂਲਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਯੋਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਯ੍ਯ, ਸਤ੍ਥਹਾਰਕਂਵਾਸ੍ਸ ਪਰਿਯੇਸੇਯ੍ਯ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋਤਿ ਅਯਂ ਭਨ੍ਤੇ ਤਤ੍ਥ ਮੂਲਪਞ੍ਞਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਅਨੁਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ ਮਰਣਾਯ ਵਾ ਸਮਾਦਪੇਯ੍ਯ ਅਮ੍ਭੋਪੁਰਿਸ ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ ਮਤਨ੍ਤੇ ਜੀਵਿਤਾ
ਸੇਯ੍ਯਾਤਿ ਇਤਿ ਚਿਤ੍ਤਮਨੋ ਚਿਤ੍ਤਸਙ੍ਕਪ੍ਪੋ ਅਨੇਕਪਰਿਯਾਯੇਨ ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ ਮਰਣਾਯ ਵਾ ਸਮਾਦਪੇਯ੍ਯਾਤਿ ਅਯਂ ਭਨ੍ਤੇ ਤਤ੍ਥ ਅਨੁਪਞ੍ਞਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਤਤ੍ਥ ਪਰਿਪੁਣ੍ਣਪਞ੍ਞਤ੍ਤਿ.