੧੦੫. ਪਦਾਦੀਹਿ

ਪਦਾਦੀਹਿ ਸ੍ਮਿਨੋ ਸਿ ਹੋਤਿ ਵਾ. ਪਦਸਿ ਪਦੇ ਪਦਮ੍ਹਿ ਪਦਸ੍ਮਿਂ, ਪਦੇਸੁ. ਏਵਂ ਬਿਲਸਦ੍ਦੋ.

ਕਮ੍ਮਸਦ੍ਦਤੋ ਨਾਸ੍ਸ ‘‘ਨਾਸ੍ਸੇ+ਨੋ’’ਤਿ ਏਨੋ ਵਾ, ਕਮ੍ਮੇਨ, ‘‘ਪੁਮਕਮ੍ਮਥਾਮਾ’’ਦਿਨਾ ਉਤ੍ਤੇ ਕਮ੍ਮੁਨਾ ਕਮ੍ਮਨਾ. ਇਮਿਨਾਵ ਸਸ੍ਮਾਸੁ ਉਤ੍ਤਂ, ਉਸ੍ਸ ਲਸਞ੍ਞਾਯਂ ਸ+ਸ੍ਮਾਨਂ ਯਥਾਯੋਗਂ ਨੋ+ਨਾ ਨਿਚ੍ਚਂ, ਵਵਤ੍ਥਿਤਵਿਭਾਸਤ੍ਤਾ ਵਾਧਿਕਾਰਸ੍ਸ. ਕਮ੍ਮੁਨੋ ਕਮ੍ਮਸ੍ਸ. ਕਮ੍ਮੁਨਾ ਕਮ੍ਮਾ ਕਮ੍ਮਮ੍ਹਾ ਕਮ੍ਮਸ੍ਮਾ. ‘‘ਕਮ੍ਮਾਦਿਤੋ’’ਤਿ ਸ੍ਮਿਨੋ ਵਾ ਨਿਮ੍ਹਿ ਕਮ੍ਮਨਿ ਕਮ੍ਮੇ ਕਮ੍ਮਮ੍ਹਿ ਕਮ੍ਮਸ੍ਮਿਂ, ਸੇਸਂ ਨਪੁਂਸਕਸਮਂ. ਚਮ੍ਮ+ਵੇਸ੍ਮ+ਭਸ੍ਮਾਦਯੋ ਕਮ੍ਮਸਮਾ ਉਤ੍ਤਤੋ+ਞ੍ਞਤ੍ਰ.

ਗਚ੍ਛਨ੍ਤ, ਸਿ. ‘‘ਨ੍ਤਸ੍ਸਂ’’ਤਿ ਵਾ ਅਂਮ੍ਹਿ ਸਿਲੋਪੋ ਗਚ੍ਛਂ. ਅਞ੍ਞਤ੍ਰ ਸਿਸ੍ਸ ਦਂ, ਗਚ੍ਛਨ੍ਤਂ, ਗਚ੍ਛਨ੍ਤਾ ਗਚ੍ਛਨ੍ਤਾਨਿ. ਭੋ ਗਚ੍ਛ ਗਚ੍ਛਾ ਗਚ੍ਛਂ, ਗਚ੍ਛਨ੍ਤਾ ਗਚ੍ਛਨ੍ਤਾਨਿ. ਗਚ੍ਛਂ ਗਚ੍ਛਨ੍ਤਂ, ਗਚ੍ਛਨ੍ਤੇ ਗਚ੍ਛਨ੍ਤਾਨਿ. ਗਚ੍ਛਤਾ ਗਚ੍ਛਨ੍ਤੇਨੇ+ਚ੍ਚਾਦਿ ਪੁਲ੍ਲਿਙ੍ਗਸਮਂ. ਏਵਂ ਯਜਨ੍ਤ+ਵਜਨ੍ਤਾਦਯੋ.

ਅਕਾਰਨ੍ਤਂ.

ਅਟ੍ਠਿ, ਸਿਲੋਪੋ.