੨੫. ਹਾਸ੍ਸ

ਕਾਰਿਯਂ ਆਹਙ੍ਸਙ੍ਖਾਤਮਸ੍ਸ ਅਤ੍ਥੀਤਿ ਕਾਰਿਯੀ, ਤੇਨ ਅਪਰੋ ਕਾਰਿਯੀ ਹਞ੍ਞਤਿ ਹਿਂਸੀਯਤੀਤਿ ਅਤ੍ਥੋ.

ਸਹੋਸ੍ਸੇਹੀਤਿ ਕਰਸ੍ਸ ਓਕਾਰੇਨ ਸ੍ਸੇਨ ਚ ਸਹ ਹਾਸ੍ਸ ਸ੍ਸੇਨ ਸਹਾਤਿ ਅਤ੍ਥੋ. ਅਥ ਕਥਂ ਓਸ੍ਸੇਹਿ ਸਹੇਵ ਵੁਤ੍ਤਾ ਦੇਸੋਤਿਵਿਞ੍ਞਾਯਤੀਚ੍ਚਾਸਙ੍ਕਿਯਾਹ- ‘ਸਹਵਚਨਸਾਮਤ੍ਥਿਯਾ’ਤਿ. ਸਹ ਸਦ੍ਦਸ੍ਸ ਸਹਤ੍ਥ(ਸ੍ਸ ਚ) ਸੋਸ੍ਸ ਸ੍ਸੇਨਾਤਿ ਕਥਨਸਾਮਤ੍ਥਿਯਾਤਿ ਅਤ੍ਥੋ. ਅਧਿਪ੍ਪਾਯਂ ਵਿਵਰਤਿ ‘ਏਵਂ ਮਞ੍ਞਤੇ’ਚ੍ਚਾਦਿਨਾ. ਏਵਂ ਮਞ੍ਞਤੇ- ਓਸ੍ਸਾਨ ਮਨਾਦੇਸਿਤ੍ਤੇ ਇਚ੍ਚਾਦਿਨਾ ਪਾਠੇਨ ਭਵਿਤਬ੍ਬਮਿਵ ਲਕ੍ਖੀਯਤੇ… ਤੇਨੇਵ ਪਾਠੇਨਸਹਵਚਨਸਾਮਤ੍ਥਿਯਸ੍ਸ ਪਤੀਤਿਸਬ੍ਭਾਵਤੋ. ਨ ਤੁ ‘ਏਵਂਮਞ੍ਞਤੇਓਸ੍ਸਾਨਮਨ੍ਤਾਦੇਸਤ੍ਤੇ ਹਾਸ੍ਸਚਾਤਿ ਵਚਨਮਨਤ੍ਥਕਂ ਸਿਯਾ ਹਾ ਤੋ ਚੇਤ੍ਵੇਵ ਵਦੇਤ੍ਯ ਓਸ੍ਸਾਨਮਨਾਦੇਸਿਤ੍ਤੇ’ਚ੍ਚਾਦਿਨਾ ਪਾਠੇਨ… ਓਸ੍ਸਾਨਮਨ੍ਤਾਦੇਸਪ੍ਪਸਙ੍ਗਸ੍ਸੇਵਾਭਾਵਤੋ. ਨਹੇਤ੍ਥਾਦੇਸਾਦੇਸਿ ਸਮ੍ਬਨ੍ਧਛਟ੍ਠੀ ਅਤ੍ਥਿ… ਸੋਸ੍ਸਾਤਿ ਵਿਸੇਸਨਛਟ੍ਠਿਯਾਪ੍ਪਧਾਨਾਯ ਸ੍ਸੇਨਾਤਿ ਸਹਤ੍ਥੇ ਤਤਿਯਾਯ ਚ ਨਿਦ੍ਦਿਟ੍ਠਤ੍ਤਾ. ਉਭਯਤ੍ਥਾਤਿ ਸ੍ਸਤ੍ਯਾਦੀਸੁਸ੍ਸਾਦੀਸੁ ਚ.