੧੪. ਪੁਬ੍ਬ

ਮਹਾਵਾਕ੍ਯਰੂਪਤ੍ਤਾ ਪਕਰਣਸ੍ਸ ਤਦਪੇਕ੍ਖਾਯ ਵਾਕ੍ਯੇਕਦੇਸਤ੍ਤਂ ‘‘ਵਤ੍ਤਮਾਨੇ ਤਿਅਨ੍ਤਿ, ਭਵਿਸ੍ਸਤਿ’’ਚ੍ਚਾਦੀਨਂ ਵਾਕ੍ਯਾਨਨ੍ਤਿ ਆਹ ‘ਵਾਕ੍ਯੇਕਦੇਸੇਹੀ’ਤਿ. ਅਤੋਯੇਵਮਾਹ-ਵਾਕ੍ਯਾਵਯਵੋਪਰੋ-ਧੁਨਾ ਕਰੀਯਤੇ’ਤਿ. ਵਿਧਿਵਾਕ੍ਯਤ੍ਤਮਸ੍ਸ ਦਸ੍ਸੇਤ੍ਵਾ ਨਿਯਮਵਾਕ੍ਯਤ੍ਤਂ ਦਾਨਿ ਦਸ੍ਸੇਤੁਂ ‘ਅਥਵਾ ਨਿਯਮਤ੍ਥਮਿਦਨ੍ਤ੍ਯਾਦੀਨ’ਨ੍ਤ੍ਯਾਹ. ਨਿਯਮਸੁਤ੍ਤਤ੍ਤਮੇਵ ਫੁਟਯਤਿ ‘ਤੇਹਿ’ਚ੍ਚਾਦਿਨਾ. ਤੇਹਿ ਤੇਹਿ ਸੁਤ੍ਤੇਹੀਤਿ ‘‘ਵਤ੍ਤਮਾਨੇ ਤਿ ਅਨ੍ਤਿ’’ਚ੍ਚਾਦੀਹਿ ਤੇਹਿ ਤੇਹਿ ਸੁਤ੍ਤੇਹਿ. ਇਮਿਨਾਤਿ ‘‘ਪੁਬ੍ਬਪਰਾ’’ਦਿਨਾ ਇਮਿਨਾ ਸੁਤ੍ਤੇਨ. ਨਨੁ ਤੁਮ੍ਹਾਮ੍ਹਸੇਸੇਸੂਤਿ ਏਤ੍ਤਕੇ ਵੁਚ੍ਚਮਾਨੇ ‘ਤੁਮ੍ਹਾਮ੍ਹਸਦ੍ਦਵਚਨੀਯੇਸੁ ਤਦਞ੍ਞਸਦ੍ਦਵਚਨੀਯੇਸੁ ਚ ਕਾਰਕੇਸੂ’ਤਿ ਅਯਂ ਵਿਸੇਸੋ ਕੁਤੋ ਗਮ੍ਯਤੇ ਯੇਨੇਵਂ ਵਿਵਟਂਤ੍ਯਾਹ- ‘ਕਤ੍ਤੁਕਮ੍ਮੇ’ਚ੍ਚਾਦਿ. ਕਤ੍ਤਾਦੀਸੁ ਵਿਧਾਨਞ੍ਚ ਵਕ੍ਖਤਿ.

ਕਤ੍ਤੁਕਮ੍ਮਾਨਮੇਵਾਤਿ ਇਮਿਨਾ ਭਾਵਂ ਬ੍ਯਵਚ੍ਛਿਨ੍ਦਤਿ. ਤਥਾ ਚ ਵਕ੍ਖਤਿ- ‘ਤੁਮ੍ਹਾਮ੍ਹਸਦ੍ਦਵਚਨੀਯਤ੍ਤਾਭਾਵਾ’ਤਿ. ਅਸਤ੍ਵਭੂਤਾਯੇਚ੍ਚਾਦਿਕਮੇਕਵਚਨ ਸਮ੍ਭਵੇ ਕਾਰਣਂ, ਤੁਮ੍ਹਾਮ੍ਹੇਚ੍ਚਾਦਿਕਨ੍ਤੁ ਪਠਮਪੁਰਿਸਸਮ੍ਭਵੇ. ਤੁਮ੍ਹਾਮ੍ਹਸੇਸੇਸੁ ਹੋਨ੍ਤਾ ਮਜ੍ਝਿਮੁਤ੍ਤਮਪਠਮਾ ਕਥਂ ਭਾਵਾਦੀਸੁ ਵਿਞ੍ਞਾਯਨ੍ਤਿ ਕਥਞ੍ਚ ਤੁਮ੍ਹਾਮ੍ਹਾਦਿਸਦ੍ਦਵਚਨੀਯਸ੍ਸ ਕਾਰਕਤ੍ਥਸ੍ਸਾਖ੍ਯਾਤੇਨ ਤਤ੍ਥ ਵਿਹਿਤੇਨ ਸਞ੍ਞਾਵਿਭਤ੍ਤਾ ਤੁਮ੍ਹਾਮ੍ਹਾਦਿਸਦ੍ਦਪ੍ਪਯੋਗਾਭਾਵੋਚ੍ਚਾਸਙ੍ਕਿਯ ਯਂ ਵੁਤ੍ਤਂ ਵੁਤ੍ਤਿਯਂ ਤਂਦਾਨਿ ਵਿਵਰਨ੍ਤੇਨ ‘ਯਦਿ ਭਾਵਾਦੀਸੁ ਮਾਨਾਦਯੋ ਨ ਵਿਧੀਯਨ੍ਤੇ ਤਦਾਮਾਨਾਦੀਸੁ ਪਰੇਸੁ ਭਾਵਾਦੀਸੁ ਕ੍ਯਲਾਦੀਨਂ ਵਿਧਾਨਮੇਵ ਨੋਪਪਜ੍ਜਤੀ’ਤਿ ਇਮਿਨਾ ਸਾਮਤ੍ਥਿਯੇਨ ਤੁਮ੍ਹਾਦੀਸੁ ਕਾਰਕੇਸੁ ਮਜ੍ਝਿਮਾਦੀਨਂ ਭਾਵੋ ਵਿਞ੍ਞਾਯਤਿ ਤੇਨੇਵ ਤੁਮ੍ਹਾਦਿਕਾਰਕਤ੍ਥਸ੍ਸ ਤਤ੍ਥ ਵਿਹਿਤੇਨਾਖ੍ਯਾਤੇਨ ਸਞ੍ਞਾਪਿਤਤ੍ਤਾ ਤੁਮ੍ਹਾਦਿਸਦ੍ਦਪ੍ਪਯੋਗੋ ਨਾਮ ਨ ਹੋਤੀਤਿ ਦਸ੍ਸੇਤੁਂ ‘ਤੁਮ੍ਹਾਦਿਸ੍ਵਿ’ਚ੍ਚਾਦਿਕਮਾਰਦ੍ਧਂ. ਯਜ੍ਜੇਵਂ ਤੁਮ੍ਹਾਦਿਸਦ੍ਦਪ੍ਪਯੋਗੋਯੇਵ ਨ ਸਿਯਾ ਚ੍ਚਾਹ- ‘ਯਜ੍ਜੇਵ ਮਿਚ੍ਚਾਦਿ. ਪਰਿਹਾਰਮਾਹ- ‘ਸਸਦ੍ਦੇਨਾ’ਤਿ. ਤੁਮ੍ਹਾਦਿਸਦ੍ਦੇਨ. ਬ੍ਰਾਹ੍ਮਣਾਇਚ੍ਚਨੇਨਾਭਿਹਿਤਮੇਵ ਬਹੁਤ੍ਤਂ ਬਹਵੋਤਿ ਵਚਨੇਨਾਨੁਜ੍ਜਤੇ. ਵਚਨਾਭਾਵੇ ਕਥਂ ਤੁਲ੍ਯਾਧਿਕਰਣਤ੍ਤਂਤ੍ਯਾਹ- ‘ਅਨੁਜ੍ਜਮਾਨਸ੍ਸਿ’ਚ੍ਚਾਦਿ. ਅਨੁਜ੍ਜਮਾਨਸ੍ਸਾਤਿਅਨੁਵਦਿਤਬ੍ਬਸ੍ਸ ਗਚ੍ਛਤਿਚ੍ਚਾਦਿਨਾ ਨਿਦ੍ਦਿਟ੍ਠਸ੍ਸ ਕਤ੍ਤੁਨੋ.

ਅਨੁਵਾਦੇਨਾਤਿ (ਤੁਮ੍ਹਾਦਿ) ਅਨੁਵਾਦੇਨ. ‘‘ਨਾਮਮ੍ਹਿ ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਪਠਮੋ’’ਤਿ (੩-੧-੫) ਕਚ੍ਚਾਨਵਚਨਂ, ਤੇਨਾਹ- ‘ਤੇਨੇਵਿ’ਚ੍ਚਾਦਿ. ਅਸਮਾਨਾਧਿਕਰਣਤ੍ਤਾ ਹਿ ‘ਤਯਾਪਚ੍ਚਤੇ’ਚ੍ਚਾਦੋ ਨ ਭਵਤਿ. ਤਥਾਹਿ ਤਯੇਚ੍ਚੇਤਂ ਕਤ੍ਤੁਵਾਚੀ ਪਚ੍ਚਤੇਚ੍ਚੇਤਂ ਕਮ੍ਮਵਾਚੀ ਕਮ੍ਮੇ ਆਖ੍ਯਾਤਪ੍ਪਚ੍ਚਯ ਵਿਧਾਨਤੋ.

‘ਏਹਿ ਮਞ੍ਞੇ ਰਥੇਨ ਗਮਿਸ੍ਸਸੀ’ਤਿ ਪਾਣਿਨਿਯਾਤਿਮਤਨਿਪ੍ਫਾਦਨਕ੍ਕਮੋ (ਨਿਰਸ੍ਸ) ਤੇ ‘ਪਰਿਹਾਸੇ’ਚ੍ਚਾਦਿਨਾ. ਮਞ੍ਞਤਿਸ੍ਸ ਪਯੋਗੇਤਿ ਉਪਪਦਵਸੇਨ ਮਨਧਾਤੁਸ੍ਸ ਪਯੋਗੇ. ਧਾਤੁਮ੍ਹਾਤਿ ਗਮਿਆਦਿਤੋ. ਉਤ੍ਤਮ ਪੁਰਿਸੇਕਵਚਨੇ ਪਤ੍ਤੇਤਿ ਗਮਿਸ੍ਸਾਮੀਤਿ ਪਤ੍ਤੇ. ਮਜ੍ਝਿਮੋਭਿਮਤੋਤਿ ਗਮਿਸ੍ਸਸੀਤ੍ਯਭਿਮਤੋ. ਮਜ੍ਝਿਮੇ ਪਤ੍ਤੇਤਿ ਮਞ੍ਞਸੇਤਿ ਪਤ੍ਤੇ, ਉਤ੍ਤਮੇਕਵਚਨ ਮਿਟ੍ਠਨ੍ਤਿ ਮਞ੍ਞੇਤਿਟ੍ਠਂ. ਇਦਂ ਵੁਤ੍ਤਂ ਹੋਤਿ ‘‘ਮਞ੍ਞਸੇ ਤ੍ਵਂ ਰਥੇਨ ਗਮਿਸ੍ਸਾਮੀਤਿ ਵਤ੍ਤਬ੍ਬੇ ਮਞ੍ਞੇ ਤ੍ਵਂ ਰਥੇਨ ਗਮਿਸ੍ਸਸੀਤਿ ਭਵਤੀਤਿ (ਵੁਤ੍ਤ’’ਨ੍ਤਿ). ਏਹਿ ਮਞ੍ਞੇਚ੍ਚਾਦਿ ਨ ਕਿਞ੍ਚਿ ਵੁਤ੍ਤਂ ਵੁਤ੍ਤਿਯਂ. ਯਥਾਸਵਿਸਯੇਵਮਜ੍ਝਿਮੁਤ੍ਤਮਾ ਸਮ੍ਪਜ੍ਜਨ੍ਤਿ, ਤਥਾਸਮ੍ਬਨ੍ਧਮੁਪਦਸ੍ਸਯਮਾਹ- ‘ਏਵਮੇਤ੍ਥਾਭਿਸਮ੍ਬਨ੍ਧੋ’ਚ੍ਚਾਦਿ. ਪਰਾਭਿਮਤਂ ਸਮ੍ਬਨ੍ਧਂ ਕੁਰੁਮਾਨੋ ਆਹ- ‘ਨਤ੍ਵੇਵ’ਮਿਚ੍ਚਾਦਿ. ਅਥੋਚ੍ਚਤੇਚ੍ਚਾਦਿਨਾ ਪਰਾਧਿਪ੍ਪਾਯਮਾਹ- ‘ਯਦੇ’ਚ੍ਚਾਦਿ.

ਯਦੇਵਮਭਿਸਮ੍ਬਨ੍ਧੋਤਿ ‘ਮਞ੍ਞਸੇ ਤ੍ਵਂ ਰਥੇਨ ਗਚ੍ਛਾਮੀ’ਤਿ ਯਦਾ ਏਵਮਭਿਸਮ੍ਬਨ੍ਧੋ ਕਰੀਯਤੀਤ੍ਯਤ੍ਥੋ. ਸੋ ਚੇਵਮਨੁਗਤੋਤਿ ‘ਮਞ੍ਞੇ ਅਹਂ ਤ੍ਵਂ ਰਥੇਨ ਗਚ੍ਛਸਿ’ਚ੍ਚੇਵਂ ਸੋ ਚ ਪਯੋਗੋ ਅਨੁਗਤੋਤ੍ਯਤ੍ਥੋ. ਪਕਾਰਨ੍ਤਰਕਪ੍ਪਨਾਯਾਤਿ ‘ਮਞ੍ਞਸੇ ਤ੍ਵਂ ਰਥੇਨ ਗਚ੍ਛਾਮੀ’ਤਿ ਅਨ੍ਤਰਕਪ੍ਪਨਾਯ.