੯੪. ਕ੍ਵਿਮ੍ਹਿ

ਨਨੁ ਕਿਮਤ੍ਥਮਨ੍ਤਗ੍ਗਹਣਂ ਯਤੋ ‘‘ਕ੍ਵਿਮ੍ਹਿ ਲੋਪੋ-ਨ੍ਤਬ੍ਯਞ੍ਜਨਸ੍ਸਾ’’ਤਿ ਵੁਤ੍ਤਂ, ‘‘ਛਟ੍ਠਿਯਨ੍ਤਸ੍ਸਾ’’ਤਿ (੧-੧੭) ਅਨ੍ਤਸ੍ਸੇਵ ਲੋਪੋ ਸਿਯਾਤਿ ਚੋਦਨਂ ਮਨਸਿ ਨਿਧਾਯ ਤਗ੍ਗਹਣੇ ਪਯੋਜਨਂ ਦਸ੍ਸੇਨ੍ਤੋ ਆਹ- ‘ਅਨ੍ਤਗ੍ਗਹਣ’ਮਿਚ੍ਚਾਦਿ. ਲੋਪਵਿਧੀਸੂਤਿ (ਵੀਆਦਿਲੋਪਵਿਧੀਸੁ, ਛਟ੍ਠੀ ਨਿਦ੍ਦਿਟ੍ਠਨ੍ਤਿ) ‘‘ਵੀਮਨ੍ਤੁ ਵਨ੍ਤੂ’’ਨ੍ਤਿ (੪-੧੩੮) ਛਟ੍ਠੀਨਿਦ੍ਦਿਟ੍ਠਂ. ਭਦਨ੍ਤਵਿਧਿਚਰਿਤਤ੍ਤਬ੍ਯਾਪਾਰਂ [ਤਦਨ੍ਤਵਿਧਿਚਿਰਭੇਦਨਾਚ੍ਚਨਬ੍ਯਾਪਾਰਂ (ਪੋਤ੍ਥਕੇ)] ਨਿਸ੍ਸਾਯਾਹ- ‘ਛਟ੍ਠਿਯਨ੍ਤਸ੍ਸਾ’’ਤੀ ਬ੍ਯਾਪਾਰਾ’ਤਿ. ਅਨ੍ਤਸ੍ਸਾਤਿ ਵੀਆਦੀਨਮੀਕਾਰਾਦਿਨੋ. ਅਞ੍ਞਥਾਤਿ ਸਬ੍ਬਾਪਹਾਰਿਲੋਪਞ੍ਞਾਪਨਾਭਾਵੇ. ਅਨਤ੍ਥਕਂ ਸਿਯਾ ‘‘ਛਟ੍ਠਿਯਨ੍ਤਸ੍ਸਾ’’ਤਿਮਸ੍ਸ ਬ੍ਯਾਪਾਰਸਮ੍ਭਾਵਾ. ਇਦਾਨਿ ਛਟ੍ਠੀਨਿਦ੍ਦਿਟ੍ਠਾਨਂ ਵਿਸੇਸੇਨ ਵਤ੍ਤੁਮਿਚ੍ਛਿਤ੍ਤਂ ਅਨ੍ਤਸ੍ਸੇਵ ਲੋਪਪਤ੍ਤਿਦੋਸਂ ਦਸ੍ਸੇਤੁਮਾਹ- ‘ਤਦਨ੍ਤੇ’ਚ੍ਚਾਦਿ.