੮੫. ਨਤੇ

ਪੁਚ੍ਛੀਯਿਤ੍ਥਾਤਿ ਵਿਗ੍ਗਯ੍ਹ ਤ੍ਤੋ, ਤਸ੍ਸ ‘‘ਪੁਚ੍ਛਾਦਿਤੋ’’ਤਿ (੫-੧੪੩) ਠੋ. ਸੇਸਂ ਵੁਤ੍ਤਨਯਮੇਵ. ਏ ਓਨਮ੍ਪਟਿਸੇਧਮੁਖੇਨਾਤਿ ਏਓਨਮ੍ਪਟਿਸੇਧਸ੍ਸ ਪਕਤਤ੍ਤਾ ਵੁਤ੍ਤਂ. ਚਿਨਿਤਬ੍ਬਨ੍ਤਿਆਦੀਸੁ ਚੀਯਿਤ੍ਥ ਚੀਯਤਿ ਵਾਤਿਆਦਿਨਾ ਵਿਗ੍ਗਹੋ. ਚਿਨਿਤੁਨ੍ਤਿਆਦੀਸੁ ਚਿਨਨਾ ਯਾਤਿ(ਆਦਿਨਾ). ਨਨੁ ਚ (ਞਿਆਗ)ਮੋ, ਨ ਪਚ੍ਚਯੋਤਿ ਕਥਮ੍ਪਚ੍ਚਯੇ ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ (੫-੮੩) ਏਓ ਪਪ੍ਪੋਨ੍ਤਿ ਕਥਞ੍ਚੇ ਸਮ੍ਪਟਿਸੇਧੋਚ੍ਚਾਸਙ੍ਕਿਯਾਹ- ‘ਞਿਸ੍ਸੇ’ਚ੍ਚਾਦਿ. ਨਨੁਚਾਦਿਮ੍ਹਿ ਨ ਯੁਵਣ੍ਣਾਭਿ ਕਥਮੇਤ੍ਥਪ੍ਪਸਙ੍ਗੋਤਿ ਆਹ- ‘ਸਕਾਪਾਨਂ ਕੁਕ੍ਕੂਣੇਤਿ’ਚ੍ਚਾਦਿ.

ਪਤ੍ਤੋਕਾਰਸ੍ਸਾਤਿ ਧੁਸਦ੍ਦੇ ਉਕਾਰਸ੍ਸ ਪਤ੍ਤੋਕਾਰਸ੍ਸ. ਯੁਵਣ੍ਣੇਚ੍ਚਾਦਿਨਾਪਤ੍ਤਸ੍ਸਾਤਿ (ਤਬ੍ਬ) ਤੁਂ ਪਚ੍ਚਯੇਸੁ ਚ ਣਿਨੋ ਪਤ੍ਤਸ੍ਸ. ਵਾ ਵਿਧਾਨਾ ਨ ਞਿ. ਧੁਨਾਪੇਤਬ੍ਬਨ੍ਤਿਆਦਿਪਾਠੇ ਞਿਮ੍ਹਿ ਅਕਤੇ ‘‘ਅਞ੍ਞਤ੍ਰਾਪੀ’’ਤਿ (੫-੮੭) ਪਟਿਸੇਧਾਭਾਵੋ. ਧੁਨਾਪੇਤੀਤਿ ਪਾਠੇਤਿਮ੍ਹਿ ਲੇ ਚ ‘‘ਕ੍ਵਚਿ ਵਿਕਰਣਾਨ’’ਨ੍ਤਿ (੫-੧੬੧) ਵਿਕਰਣਲੋਪੇ ਚ ਏਕਾਰੋ. ਅਸਤਿ ਨਾਗਮੇ ‘‘ਯੁਵਣ੍ਣੇ’’ਚ੍ਚਾਦਿਨਾ ਏਤ੍ਤਂ ਸਿਯਾ ਤਮ੍ਪਿਨਾਗਮੇ ਉਪਨ੍ਤਤ੍ਤਾ ਨੇਤ੍ਯਧਿਪ੍ਪਾਯੇਨਾਹ- ‘ਤਥਾਪਿ’ਚ੍ਚਾਦਿ. ਪਕ੍ਖਨ੍ਤਰਮਾਹ- ‘ਨਾਗਮੇ’ਚ੍ਚਾਦਿ.