੭੧. ਆਦਿ

ਪਠਮੋ ਦੁਤਿਯੋਤਿ ਚ ਦ੍ਵੇ ਏਕਸ੍ਸਰਾ. ਤਤ੍ਥ ‘‘ਖਛਸਾਨਮੇਕਸ੍ਸਰੋਦਿ ਦ੍ਵੇ’’ (੫-੬੯) ‘‘ਪਰੋਕ੍ਖਾਯਂ ਚੇ’’ਤਿ (੫-੭੦) ਪਠਮਸ੍ਸੇਕਸ੍ਸ ਰਸ੍ਸ ਦ੍ਵਿਬ੍ਬਚਨਂ ‘ਆਦਿਸ੍ਮਾ ਸਰਾ’’ਤਿ ਤੁ ਦੁਤਿਯਸ੍ਸ, ਤਸ੍ਮਾ ਕਥਮਞ੍ਞਸ੍ਸੁਚ੍ਚਮਾਨੇਅਞ੍ਞਸ੍ਸਬਾਧਕਂਸਿਯਾ ਤਸ੍ਮਾ ਕਤੇਪਿਦੁਤਿਯ ਦ੍ਵਿਬ੍ਬਚਨੇਪਠਮਦ੍ਵਿਬ੍ਬਚਨਂ ਸਮ੍ਭਵਤ੍ਵੇਵਾਤਿਨਪਠਮਦ੍ਵਿਬ੍ਬਚਨਾਪਵਾਦੋ-ਯਂ ਯੋਗੋਚ੍ਚਾਸਙ੍ਕਿਯਾਹ- ‘ਪਠਮੇ’ਚ੍ਚਾਦਿ. ਕ੍ਰਿਯਤ੍ਥਾਧਿਕਾਰਾ ਕ੍ਰਿਯਤ੍ਥਾਨਨ੍ਤਿ ਛਟ੍ਠਿਯਾ ਦੁਤਿਯੇਨੇਕਸ੍ਸ ਰੇਨਚ ਸਮ੍ਬਨ੍ਧਾ ਪਠਮਦ੍ਵਿਬ੍ਬਚਨਸ੍ਸਵਿਧਾਯ ਕਮਞ੍ਞਵਾਕ੍ਯਮਞ੍ਞਂ ਦੁਤਿਯਸ੍ਸਾਤਿ ਨ ਵਾਕ੍ਯਭੇਦੋਤਿ ਆਹ- ‘ਏਕੇ’ਚ੍ਚਾਦਿ. ਅਸ੍ਸਾਤਿ ‘ਆਦਿਸ੍ਮਾ ਸਰਾ’’ਤਿ ਅਸ੍ਸ ਯੋਗਸ੍ਸ, ਪੁਬ੍ਬਯੋਗੇਤਿ ਪੁਬ੍ਬੇਹਿ ਦ੍ਵਿਹਿ ਸੁਤ੍ਤੇਹਿ. ‘‘ਆਦਿਸ੍ਮਾ ਸਰਾ’’ਤਿ ਸਰਮਦ੍ਵਿਤ੍ਤੇਨੁਪਾਦਾਯ ਸਾਮਞ੍ਞੇਨ ਸਦ੍ਦਰੂਪਸ੍ਸ ਦ੍ਵਿਬ੍ਬਚਨਵਿਧਾਨਤੋ ਪੁਬ੍ਬੇ ਵਿਯ ਬ੍ਯਞ੍ਜਨਯੁਤ੍ਤਸ੍ਸੇਵ ਵਿਧਾਨਂ ਤਥੇਵਿਟ੍ਠਤ੍ਥਤ੍ਤਾਤਿ ਪਠਮਦ੍ਵਿਬ੍ਬਚਨ ਸਮ੍ਬਨ੍ਧਿਨੋ ਬ੍ਯਞ੍ਜਨਸ੍ਸ ਦ੍ਵਿਬ੍ਬਚਨਬਾਧਾਤ੍ਯਵਗਨ੍ਤਬ੍ਬਂ.