੪੦. ਨਿਨ੍ਦ

ਸੇਨ ਰੂਪੇਨ ਞਾਤੇਪਿ ਵਿਸੇਸਰੂਪੇਨ ਅਞ੍ਞਾਤੋ ਅਞ੍ਞਾਤਵਿਸੇਸੋ. ਕਟ੍ਠਾਦਿਮਯਾ ਯਾ ਪਟਿਮਾ ਤਮ੍ਪਟਿਚ੍ਛਨ੍ਦਕਂ. ਸਮ੍ਬਨ੍ਧੋ ਸਸ੍ਸਾਮੀਲਕ੍ਖਣੋ ਅਸ੍ਸ ਅਤ੍ਥੀਤਿ ਸਮ੍ਬਨ੍ਧਿ ਕਸ੍ਸਾਤਿ ਕਿਂ ਸਦ੍ਦਨਿਦ੍ਦਿਟ੍ਠੋ, ਸੋਵ ਵਿਸੇਸੋ, ਸਮ੍ਬਨ੍ਧਿਵਿਸੇਸੋ ਵਿਸਯੋ ਅਸ੍ਸ ਅਞ੍ਞਾਣਸ੍ਸਾਤਿ ਸਮਾਸੋ. ਪਯੋਗਾਸਮ੍ਭਵਾਤਿ ਅਯਮਸ੍ਸੋਤਿ ਵੁਤ੍ਤ ਅਸ੍ਸਪ੍ਪਕਤਿਯਾਪਿ ਪਯੋਗਾ ਸਮ੍ਭਵਾ. ਤਥਾਹਿ ਯਦਿ ਯਸ੍ਸਾਚ੍ਚਨ੍ਤਮਜਾਨਨਂ ਸਿਯਾ ਤਥਾ ਸਤਿ ਸਬ੍ਬਥਾ ਵਤ੍ਥੁਜਾਨਨਾਭਾਵੇ ਪਕਤਿਯੇਵ ਨ ਸਿਯਾ, ਨ ਹਿ ਸਬ੍ਬਥਾ ਅਵਿਞ੍ਞਾਤਤ੍ਥੋ ਸਦ੍ਦੋ ਪਯੋਗਮਹਰਤਿ, ਤਸ੍ਮਾ ਸਰੂਪੇਨ ਞਾਤਸ੍ਸ ਯਸ੍ਸ ਵਿਸੇਸੋ ਅਵਿਞ੍ਞਾਤੋ, ਸੋਯੇਵਿਧ ਅਞ੍ਞਾਤੋ-ਤਿਮਤੋਤਿ ਵਿਞ੍ਞਾਯਤੇ, ਅਞ੍ਞਾਤੋ-ਸ੍ਸੋਕਸ੍ਸ [ਅਞ੍ਞਾਤੋ ਸੇਸਞ੍ਞਸ੍ਸ (ਪੋਤ੍ਥਕੇ)] ਵਾ ਕੁਤੋਤਿਵਾ ਕਿਂ ਸਭਾਵੋ ਵੇਤਿ ਹਿ ਅਸ੍ਸਕੋਤਿ. ਕਪ੍ਪਚ੍ਚਯਨ੍ਤੋ ਹਤ੍ਥਿਕਇਚ੍ਚਯਨ੍ਨਾਮਧੇਯ੍ਯਂ ਨਾਮਂ ਯਸ੍ਸ ਹਤ੍ਥਿਵਿਯਾਤਿ ਦਸ੍ਸਿਤਪਟਿਭਾਗਸ੍ਸ ਸੋ ਕਪ੍ਪਚ੍ਚਯਨ੍ਤਨਾਮਧੇਯ੍ਯੋ. ਅਭਿਨਿਵੇਸੇਨ ਵਾ ਸਿਜ੍ਝਨ੍ਤਿ ਯਥਾ ਅਜ੍ਜੁਨਾਦਿਵੇਸਧਾਰਿਨਿ ਅਜ੍ਜੁਨਾਦਿਸਦ੍ਦੇਨਾਤਿ ਅਧਿਪ੍ਪਾਯੋ.

ਪਟਿਮਾਯਾਤਿ ਏਤ੍ਥ ਪੂਜਨਤ੍ਥਾ ਏਵ ਪਟਿਮਾ ਗਹਿਤਾ, ਮੋਰਸਮਾਨ ਨਾਮਤ੍ਤਾ ਮੋਰੋਵਿਯਾਤਿ ਯੋਜਨਾ, ਚਞ੍ਚਾ ਤਿਣਪੁਰਿਸੋ, ਇਧ ਪਨ ਤਂ ਸਦਿਸੋ ਪੁਰਿਸੋ ਮਨੁਸ੍ਸੋ ਚਞ੍ਚਾ. ਅਕਸ੍ਮਾ ਏਵ ਆਕਸ੍ਮਿਕਂ ‘‘ਸਕਤ੍ਥੇ’’ਤਿ (੪-੧੨੨) ਣਿਕੋ. ਯਂਕਿਞ੍ਚਿ ਅਬੁਦ੍ਧਿਪੁਬ੍ਬਕਂ, ਤਮਾਕਸ੍ਮਿਕਂ, ਤਸ੍ਮਿਂ ਆਕਸ੍ਮਿਕੇਭਿਧੇਯ੍ਯੋ ਸਤਿ ਇਵਸਦ੍ਦਤ੍ਥੇ ਵਤ੍ਤਮਾਨਤੋ ਈਯੋ ਹੋਤੀਤਿ ਅਤ੍ਥੋ. ਕਾਕੋ ਚ ਤਾਲਞ੍ਚ ਫਲਂ ਕਾਕਤਾਲਾਨਿ, ਤੇਸਮਿਵ ਮਿਲਨਂ. ਅਜਾਖਗ੍ਗਾਨਮਿਵ ਮਿਲਨਂ ਯਦਾਕਸ੍ਮਿਕਂ, ਕਿਞ੍ਚਿ ਤਮ ਜਾਖਗ੍ਗੀਯਂ, ਣੋ ਇਵਤ੍ਥੇ. ਸਕ੍ਕਰਨ੍ਤਿ ‘‘ਸਂਯੋਗੇ ਕ੍ਵਚੀ’’ਤਿ (੪-੧੨੫) ਵੁਦ੍ਧ੍ਯਭਾਵੋ. ਮੁਨੀਵ, ਬਾਲੋਵ, ਕੁਲਿਸਮਿਵ, ਏਕਸਾਲਾਇਵਾਤਿ ਵਿਗ੍ਗਹੋ, ਲੋਹਿਤੋਵ ਲੋਹਿਤਿਕੋ ਫਟਿਕਮਣਿ.