੪. ਣ੍ਯਦਿ

ਯਸ੍ਸ ਚ ਚਵਗ੍ਗੋਤਿ ਸਮ੍ਬਨ੍ਧੋ, ਕੇਵਲਂ ਗਗ੍ਗ੍ਯੋਤਿ ਏਤ੍ਤਕਮੇਵਾ ਦਸ੍ਸੇਤ੍ਵਾ ਪਰਸਤ੍ਥਾਗਤਗਗ੍ਗਾਦਿਗਣੇਕਦੇਸਭੂਤਕੁਣ੍ਡਨੀਸਦ੍ਦਤੋਪਿ ਕੋਣ੍ਡਞ੍ਞੋਤਿ ਮੁਦਾਹਰਨ੍ਤੋ ਸੋ ਗਗ੍ਗਾਦਿਗਣੋਪ੍ਯਤ੍ਰਾਭ੍ਯੁਪਗਤੋਤਿ ਵਿਞ੍ਞਾਪੇਤਿ. ਤਸ੍ਮਾ ਤਸ੍ਮਿਂ ਗਗ੍ਗਾਦਿਕੇਪਿ ਪਰਸਤ੍ਥਪਠਿਤੇ ਯੋਯੋ ਪਯੋਗੋ ਆਗਮੇ ਦਿਸ੍ਸਤਿ ਵਚ੍ਛੋ ਅਗ੍ਗਿਵੇਸ੍ਸੋਚ੍ਚਾਦਿ. ਸੋਪੀਹ ਵੇਦਿਤਬ੍ਬੋਤਿ ਦਸ੍ਸੇਤੁਮਾਹ-‘ਗਗ੍ਗਾਦਿ’ਚ੍ਚਾਦਿ. ਗਗ੍ਗਾਦੀਤਿ ਗਗ੍ਗਾਦਿ ਅਯਂ. ਗੋਤ੍ਤਸ੍ਸ ਗਗ੍ਗਵਂਸਸ੍ਸ ਆਦਿਭੂਤੇਨ ਗਗ੍ਗੇਨ ਉਪਲਕ੍ਖਿਤੋ ਗਣੋ ਗੋਤ੍ਤਾਦਿਗਣੋ, ਤੇਨ ਗਗ੍ਗੋ ਨਾਮ ਕੋਚਿ, ਤਸ੍ਸਤ੍ਵਪਚ੍ਚਂ ਗਗ੍ਗੀਤਿ ਭਵਤਿ. ਪਪੁਤ੍ਤਾਦੋਵਾਤਿ ਅਵਧਾਰਣਂ ਗਗ੍ਗਸ੍ਸਾਪਚ੍ਚਂ ਗਗ੍ਗਿਚ੍ਚੇਵ ਯਥਾਸਿਯਾਤਿ.