੨੯. ਤੇਨ

ਏਕੀਭਾਵੋਤਿ ਮੁਗ੍ਗੇਹਿ ਸਂਸਟ੍ਠਾਨਂ ਮਾਸਾਨਮਿਵ ਮਿਸ੍ਸੀਭਾਵੋ. ਏਸੋਤਿ ਸਂਸਗ੍ਗੋ, ਉਕ੍ਕਂਸੇਨਾਤਿ ਉਕ੍ਕਂਸਾਧਾਨੇਨ [ਉਤ੍ਕਂਸਸਾਧਨੇਨ (ਪੋਤ੍ਥਕੇ)] ਚ ਭਵਿਤਬ੍ਬਨ੍ਤਿ ਸਮ੍ਬਨ੍ਧੋ. ਸਂਸਗ੍ਗਉਕ੍ਕਂਸਾਨਂ ਸਹਭਾਵਸ੍ਸ ਅਨੇਕਨ੍ਤਿ ਕਤ੍ਤੇ ਕਾਰਣਮਾਹ- ‘ਅਸੁਚਿਦਬ੍ਬੇ’ਚ੍ਚਾਦਿਨਾ. ਬ੍ਯਤਿਰੇਕਮਾਹ- ‘ਨੁਕ੍ਕਂਸੋ’ਤਿ ਯਤ੍ਥ ਸਂਸਗ੍ਗਰਹਿਤਂ ਕੇਵਲਮਭਿਸਙ੍ਖਤ੍ਤਮਤ੍ਥਿ, ਤਤ੍ਥ ਪਚ੍ਚਯਮੁਦਾਹਰਣੇਨ ਦਸ੍ਸੇਤ੍ਵਾ ਵਿਜ੍ਜਾਯ ਸਹ ਸਂਸਗ੍ਗਸ੍ਸਾਵਿਜ੍ਜਮਾਨਤ੍ਤੇ ਕਾਰਣਂ ਵਦਤਿ ‘ਰੂਪੀ ਧਮ੍ਮਤ੍ਤਾ’ਤਿਆਦਿ. ਰੂਪਂ ਭੂਤੋਪਾਦਾਯਭੇਦਮਸ੍ਸ ਅਤ੍ਥੀਤਿ ਰੂਪੀ, ਘਤਾਦਿ ਸਂਸਟ੍ਠਂ ਭਤ੍ਤਾਦਿ. ਤਸ੍ਸ ਧਮ੍ਮੋ ਸਭਾਵੋ ਸਂਸਗ੍ਗੋ, ਤਸ੍ਸ ਭਾਵੋ ਤਤ੍ਤਂ, ਤਸ੍ਮਾ, ਤਸ੍ਸਾਤਿ ਸਂਸਗ੍ਗਸ੍ਸ, ਵਿਜ੍ਜਾਤ੍ਵਰੂਪੀ… ਯਥਾਵੁਤ੍ਤ ਰੂਪਸਭਾਵਾਭਾਵਾ, ਤੇਨਾਹ- ‘ਵਿਜ੍ਜਾਯ ਚ ਅਰੂਪਿਤ੍ਤਾ’ਤਿ ਚਰਇਚ੍ਚਨ੍ਧਾਤੁਯੇਵ ਚਰਤਿ.

ਵਾਚਸਿਕਂ ਮਾਨਸਿਕਨ੍ਤਿ ‘‘ਮਨਾਦੀਨਂ ਸਕ, ਯਂਕਿਞ੍ਚੀਤਿ ਸਤਾਦਿਕਂ ਯਂਕਿਞ੍ਚਿ. ਬਾਹੁਲਕੇਨੇਵੇਤ੍ਥਾਵਧਾਰਣਂ ਲਬ੍ਭਤੀਤਿ ਵੁਤ੍ਤਂ- ‘ਤਤੋ ਵਾ’ਤਿ, ਦੇਵਦਤ੍ਤੇਨ ਕੀਤੋਤਿ ਸੋ ਅਤ੍ਥੋ ਤਦਤ੍ਥੋ, ਤਸ੍ਸ ਅਪ੍ਪਤੀਤਿ ਅਭਿਧਾਨਸਤ੍ਤਿਵੇਕਲ੍ਲੇਨ ਵੁਤ੍ਤਿਯਮਨਵਗਮੋ, ਦੇਵਦਤ੍ਤਿਕੋਤਿ ਹਿ ਵੁਤ੍ਤੇ ਦੇਵਦਤ੍ਤੇਨ ਕੀਤੋਤ੍ਯਯਮਤ੍ਥੋ ਨਪ੍ਪਤੀਯਤੇ… ਤਾਦਿਸ ਸਦ੍ਦਸਤ੍ਤਿਵੇਕਲ੍ਲੇਨ ਤਦਤ੍ਥਸ੍ਸਾਨਮਿਧੀਯਮਾਨਤ੍ਤਾ, ਅਵਗਮੋ ਚ ਨਾਮ ਸਤਿ ਸਾਮਤ੍ਥਿਯੇ ਸਿਯਾਤਿ ਇਮਮਤ੍ਥਂ ਸਙ੍ਖੇਪਤੋ ਦਸ੍ਸੇਤੁਮਾਹ- ‘ਤਦਤ੍ਥਾਪ੍ਪਤੀਤਿਯਾ’ਤਿਆਦਿ.

ਅਭਿਧਾਨਲਕ੍ਖਣਤ੍ਤਨ੍ਤਿ ਅਭਿਧਾਨਂ ਸਤਿ ਸਾਮਤ੍ਥਿਯੇ ਵਾਕ੍ਯੇ ਵਚਨੀਯਸ੍ਸਾਤ੍ਥਸ੍ਸ ਵੁਤ੍ਤਿਯਾ ਕਥਨਂ ਲਕ੍ਖਣਂ ਸਭਾਵੋ ਯੇਸਨ੍ਤੇ ਅਭਿਧਾਨਲਕ੍ਖਣਾ, ਤੇਸਂ ਭਾਵੋ ਤਤ੍ਤਂ, ਤਬ੍ਬਾਦਿਸਮਾਪ੍ਯੇਵਮੇਵ ਦਟ੍ਠਬ੍ਬਾ. ਮਰਿਚੇਨ ਅਭਿਸਙ੍ਖਤਂ ਸਂਸਟ੍ਠਂ ਵਾਤਿ, ਸਲਾਕਾਯ ਜਿਤਨ੍ਤਿ ਵਿਗ੍ਗਹੋ.