੧੪. ਤਮ

ਨਾਕਡ੍ਢਨਤ੍ਥੋਤਿ ਣਸ੍ਸਾਕਡ੍ਢਨਤ੍ਥੋ ਨ ਹੋਤਿ. ਯਦ੍ਯਾਕਡ੍ਢਨਤ੍ਥੋ ਅਸ੍ਸ, ਤਦਾ ਚਾਨੁਕਡ੍ਢਿਤਂ ਨੋਤ੍ਤਰਤ੍ਰਾਨੁਕਡ੍ਢੇਯ੍ਯਾਤਿ ਮਞ੍ਞਤੇ, ਕੋਚਿਯੇਵ ਹੋਤੀਤਿ ਹੋਨ੍ਤੀਤਿ ਇਤੋ ਭਿਨ੍ਦਿਤ੍ਵਾ ਆਨੇਤਬ੍ਬਂ. ਤਦਾ ਦੇਸਸ੍ਸਾਤਿ ਇਮਿਨਾ ‘‘ਤਦਾਦੇਸਾ ਤਗ੍ਗਹਣੇਨ ਗਯ੍ਹਨ੍ਤੀ’’ਤਿ ਪਰਿਭਾਸਮੁਪਲਕ੍ਖੇਤਿ. ਕਤਯਾਦੇਸਸ੍ਸਾਪੀਤਿ ਕਤੋ ਯਾਦੇਸੋ ਯਸ੍ਸ ਤਸ੍ਸ ਕਤਯਾਦੇਸਸ੍ਸਾਪੀਤਿ. ਇਕਾਰਸ੍ਸਾਤਿ ਯਾਦੇਸਤੋ ਪੁਬ੍ਬੇ ਇਕਾਰਸ੍ਸ, ਇਮਿਨਾ ਚਾਦੇਸਾਦੇਸੀਨਮਭੇਦੋ ਦਸ੍ਸਿਤੋ. ਤਸਦ੍ਦੇ ਨੇਕੇਨਾਪਿ ਪਚ੍ਚੇਕਾਭਿਸਮ੍ਬਨ੍ਧੇ ਸਿਦ੍ਧੇਤਿ ਏਵਮਞ੍ਞਤੇ- ‘‘ਯਥਾ’ਤੇਨ ਕਤਂਕੀਤ’ (੪-੨੯) ਨ੍ਤ੍ਯਾਦਿਸੁਤ੍ਤੇ ਏਕੋਵ ਤਸਦ੍ਦੋ ਬਹੂਹਿ ਪਚ੍ਚਯਤ੍ਤੇਹਿ ਸਮ੍ਬਜ੍ਝਤੇ, ਤਥਿਹਾਪਿ ਏਕਮੇਵ ਤਸਦ੍ਦਗ੍ਗਹਣਂ ‘ਤਮਧੀਤੇ ਤਂਜਾਨਾਤੀ’ਤਿ ਪਚ੍ਚੇਕਮਭਿਸਮ੍ਬਜ੍ਝਤੇ, ਤਸ੍ਮਾ ਕਿਮੇਤਦਤ੍ਥੇਨ ਦ੍ਵਿਤਗ੍ਗਹਣੇਨੇ’’ਤਿ. ਦ੍ਵਿਤਗ੍ਗਹਣੇ ਪਯੋਜਨਤ੍ਤਯਂ ਵੁਤ੍ਤਂ, ਤਤ੍ਥ ਪਠਮਂ ਦਸ੍ਸੇਨ੍ਤੋ ਜਾਨਨਿਚ੍ਚਾਦਿਨਾਧਿਪ੍ਪਾਯਮਾਵੀਕਤ੍ਵਾ ਦ੍ਵਿਤਗ੍ਗਹਣਮਿਚ੍ਚਾਦਿਨਾ ਪਦਤ੍ਥਮਾਹ.

ਤਤ੍ਥ-‘ਯੋ ਯਮਧੀਤੇ ਜਾਨਾਤਿ ਚਾ’ਤਿ ਇਮਿਨਾ ਦ੍ਵਿਤਗ੍ਗਹਣਾਭਾਵੇ ਪਚ੍ਚਯਤ੍ਥਾਵਯਵਸ੍ਸ ਸਮੁਚ੍ਚਯਪ੍ਪਸਙ੍ਗਮਾਹ. ਸਮੁਚ੍ਚਯੇ ਸਤਿ(ਯੋ) ਯਮਧੀਤੇ ਜਾਨਾਤਿ ਚ, ਤਤ੍ਥੇਵ ਸਿਯਾ, ਯੋ ਪਨਾਧੀਤੇ ਕੇਵਲਂ, ਨ (ਜਾਨਾਤਿ) ਤਤ੍ਥ ਨ ਸਿਯਾਤਿ ਬੋਧਯਿਤੁਂ ਬ੍ਯਭਿਚਾਰਮਾਹ‘ਨ ਪਚ੍ਚੇਕਾਤਿ ਸਮ੍ਬਨ੍ਧੇਨੇ’ਤਿ. ਯਥਾ ‘‘ਤੇਨ ਕਥਂ ਕੀਤ’’ਮਿਚ੍ਚਾਦੋ ‘‘ਤੇਨ ਜਿਤਂ ਜਯਤਿ’’ਚ੍ਚਾਦਿ ਪਚ੍ਚੇਕਸਮ੍ਬਨ੍ਧੇਨ ਭਵਤਿ ਏਵਮ੍ਮਾਵਿਞ੍ਞਾਯੀਤਿ ਯਥੇਚ੍ਚਾਦਿ ਕਸ੍ਸਾਤ੍ਥੋ. ‘ਤੇਨ ਕਤਂ ਕੀਤ’’ਮਿਚ੍ਚਾਦੀਹਿ ਅਵਤ੍ਵਾ ‘‘ਤੇਨ ਜਿਤਂ ਜਯਤਿ’’ਚ੍ਚਾਦਿਸੁਤ੍ਤੇਕਦੇਸਵਚਨਮਤ੍ਥਬ੍ਯਤ੍ਤਿ ਤਥਾ ਵੁਤ੍ਤੇ ਹੋਤੀਤਿ ਵੁਤ੍ਤਂ, ਤੇਨ ਜਿਤਮਿਚ੍ਚਾਦੋ ਜਯਨਾਦਿਕਾ ਕਿਰਿਯਾਨੇ ਕਦਬ੍ਬਸਮਵਾਯਿਤ੍ਤੇਨ ਪਸਿਦ੍ਧਾਤਿ ਯੁਤ੍ਤੋ ਤਤ੍ਥ ਪਚ੍ਚੇਕਾਭਿਸਮ੍ਬਨ੍ਧੋ, ਨੇਵਮਜ੍ਝੇਨ ਵੇਦਨਾ ਪ੍ਯੇਕਦਬ੍ਬਸਮਵਾਯਿਤ੍ਤਾਭਿਯ੍ਯੋਤ੍ਯਧਿਪ੍ਪਾਯੋ.

ਇਦਾਨਿ ਦੁਤਿਯਂ ਦਸ੍ਸੇਤਿ ‘ਜਾਨਨ’ਮਿਚ੍ਚਾਦਿ, ਨਿਮਿਤ੍ਤ ਮਿਟ੍ਠਾਨਿਟ੍ਠਬੋਧਕਾਰਣਂ ਮੁਹੁਤ੍ਤੋ ਕਤ੍ਤਿਕਾਦਿ, ਉਪ੍ਪਾਤੋ ਇਟ੍ਠਾਨਿਟ੍ਠਸੂਚਕਂ ਪਥਵਿਸਮੁਦ੍ਦਾਦੀਨਂ ਸਭਾਵਪਰਿਚ੍ਚਾਗੇਨਾਞ੍ਞਤਤ੍ਤਗਮਨਂ. ਜਾਨਨਸਾਮਞ੍ਞੇਤਿ ਨਿਮਿਤ੍ਤਾਦੀਨਂ ਜਾਨਨ ਸਾਮਞ੍ਞੇ. ‘ਯਥਾਵੁਤ੍ਤਜਾਨਨਸ੍ਸ ਅਜ੍ਝੇਨ ਵਿਸਯਤ੍ਤੇ ਹੇਤੁਮਾਹ- ‘ਤਂ ਜਾਨਾਤੀਤਿ ਤਸਦ੍ਦੇਨ ਅਧੀਯਮਾਨਪਰਾਮਸਤੋ’ਤਿ. ਤਤਿਯਂ ਦਸ੍ਸੇਤਿ ‘ਯਤੋ ਚੇ’ਚ੍ਚਾਦਿਨਾ. ਯਤੋ ਚ ਉਪ੍ਪਨ੍ਨੇਨ ਵਿਧਿਨਾ ਅਜ੍ਝੇਨ ਞਾਤੁ ਅਭਿਧਾਨਮ੍ਪਸਿਦ੍ਧਨ੍ਤਿ ਸਮ੍ਬਨ੍ਧੋ, ਪੋਤ੍ਥਕੇਸੁ ਪਨ ਅਜ੍ਝੇਤੁਞਾਤੂਸੁਤਿ ਪਾਠੋ ਦਿਸ੍ਸਤਿ, ਏਤ੍ਥਾਯਮਧਿਪ੍ਪਾਯੋ ‘‘ਕਤ੍ਥਚਿ ਪਸਿਦ੍ਧਿਵਿਸਯੋ ਹੋਤਿ ਤਸਦ੍ਦੋ, ਤਥਾ ਚ ਵੁਤ੍ਤਂ ਸੁਬੋਧਾਲਙ੍ਕਾਰਟੀਕਾਯਂ ਪਕ੍ਕਨ੍ਤਵਿਸਯੋ ਤਥਾ ਪਸਿਦ੍ਧਵਿਸਯੋ ਅਨੁਭੂਤਵਿਸਯੋ ਚ ਤਂਸਦ੍ਦੋ ਯਂ ਸਦ੍ਦਂ ਨਾ ਪੇਕ੍ਖਤੇ’ਤਿ, ਤਸ੍ਮਾ ਪਸਿਦ੍ਧਿਵਿਸਯੇਨ ਤਸਦ੍ਦੇਨ ਪੁਥਗੇਵ ਪਸਿਦ੍ਧਿਯਾ ਉਪਸਙ੍ਗਹਤ੍ਥਂ ਦ੍ਵਿਤਗ੍ਗਹਣਂ ਕਤ੍ਤਬ੍ਬ’’ਨ੍ਤਿ. ਅਤ੍ਥਤ੍ਤਯੇ ਵਤ੍ਤਮਾਨਸ੍ਸ ਤੁ ਤਸਦ੍ਦਸ੍ਸ ਸਵਿਸਯੋ ਵਿਸੇਸੋ ਤਤੋਵਾਤ੍ਥਿਕੇਹਿ ਵੇਦਿਤਬ੍ਬੋ.