੧੨੫. ਸਂਯੋ

ਅਨ੍ਤਰਸਦ੍ਦੋ-ਨੇਕਤ੍ਥੋਪੀਹਾਨ੍ਤਰਾਲ਼ਵਾਚੀ ਮਜ੍ਝਵਾਚੀ ਗਯ੍ਹਤਿ, ਨ ਵਿਜ੍ਜਤੇਨ੍ਤਰਮੇਸਨ੍ਤਿ ਅਨ੍ਤਰਾਲ਼ਮਤ੍ਤਪਟਿਸੇਧੇਪਯੋਜਨਂ ਨਤ੍ਥੀਤਿ ਕਤ੍ਵਾਨ੍ਤਰਾ ਲ਼ਟ੍ਠਸ੍ਸਾਭਾਵਾਨ੍ਤਰਾਲ਼ਂ ਨਤ੍ਥੀਤ੍ਯੁਪਚਰੀਯਤਿ, ਏਵਞ੍ਹਿ ਲੋਕੇ ਪਯੁਜ੍ਜਤੇ ‘ਅਨਨ੍ਤਰਾ ਇਮੇ ਗਾਮਾ ਅਨਨ੍ਤਰਾ ਇਮੇ ਪਾਸਾਦਾ’ਤਿ ਅਨ੍ਤਰਾਲ਼ਗਤਸ੍ਸ ਞ੍ਞਸ੍ਸ ਗਾਮਸ੍ਸਞ੍ਞਸ੍ਸ ਪਾਸਾਦਸ੍ਸ ਵਾਭਾਵਾ ਤਥਾ ਬ੍ਯਪਦਿਸੀਯਤੇ, ਤਥੇਵਮਿਹਾਪ੍ਯਨ੍ਤਰਾਲ਼ਗਤਸ੍ਸਞ੍ਞਸ੍ਸ ਬ੍ਯਞ੍ਜਨਸ੍ਸਾਭਾਵਾ ਅਨਨ੍ਤਰਾ ਇਤ੍ਯੁਚ੍ਚਨ੍ਤੇ, ਅਥਵਾਨ੍ਤਰਸਦ੍ਦੋ ਬ੍ਯਵਧਾਨਵਾਚੀ ਬ੍ਯਵਧਾਨਾਭਾਵਤੋ-ਨਨ੍ਤਰਾ ਇਤਿ ਵੁਚ੍ਚਨ੍ਤੇ. ਅਨ੍ਤਰਂ ਕਰੋਤੀਤਿ ਵਾ ਖਾਦਿਇਪ੍ਪਚ੍ਚਯਂ [ਣਿਪ੍ਪਚ੍ਚਯਂ (ਪੋਤ੍ਥਕੇ)] ਵਿਧਾਯ ਅਨ੍ਤਰਾਯਤਿ ਬ੍ਯਵਧਾਨਂ ਕਰੋਤੀਤਿ ਕਤ੍ਤਰਿ ਅਪ੍ਪਚ੍ਚਯਂ ਵਿਧਾਯ ਅਨ੍ਤਰੋ ਬ੍ਯਵਧਾਯਕੋ ਨਤ੍ਥੇਤੇਸਨ੍ਤਿ ਅਨਨ੍ਤਰਾ. ਯਥਾ ‘ਰੁਕ੍ਖਾ ਵਨਨ੍ਤੇ’ਤ੍ਥ ਰੁਕ੍ਖਾ ਸਮੁਦਿਤਾਵੇਕਵਨਬ੍ਯਪਦੇਸਂ ਲਭਨ੍ਤੇ, ਤਥਾਤ੍ਰਾਪਿ ਬ੍ਯਞ੍ਜਨਾ ਸਮੁਦਿਤਾਵੇਤੇ ਸਂਯੋਗਬ੍ਯਪਦੇਸਗੋਚਰਤ੍ਤਂ ਪਟਿਪਜ੍ਜਨ੍ਤੇ.

ਸਂਯੋਗੋਤਿ ਹਿ ਸਮੁਦਾਯਪ੍ਪਧਾਨੋ ਨਿਦ੍ਦੇਸੋ ਬ੍ਯਞ੍ਜਨਾਤ੍ਯਵਯਵਪ੍ਪਧਾਨੋ, ਤਸ੍ਮਾ ਬ੍ਯਞ੍ਜਨਾਤਿ ਬਹੁਵਚਨੇਨ ਸਂਯੋਗੋਤਿ ਏਕਵਚਨਨਿਦ੍ਦੇਸੋ ਘਟਤੇ, ਨਨੁ ਚ ਵਣ੍ਣਾਨਮੁਚ੍ਚਾਰਿਤਪ੍ਪਧਂਸਿਤ੍ਤਾ ਯੋਗਪਜ੍ਜਮਟ੍ਠਿਤਮਾਨਾਨਂ ਨ ਸਮ੍ਭਵਤਿ ਸਮੁਦਾਯਤ੍ਤਨ੍ਤਿ ਸਮੁਦਾਯਤ੍ਤਮਯੁਤ੍ਤਨ੍ਤਿ ਨਾਯੁਤ੍ਤਂ, ਤਥਾਹਿ ਉਤ੍ਤਰੁਤ੍ਤਰਗ੍ਗਾਹਿਨਿ ਬੁਦ੍ਧਿ ਪੁਬ੍ਬਪਰੀਭੂਤੇ ਬ੍ਯਞ੍ਜਨਾਵਯਵੇ ਸਮੁਦਾਯਰੂਪੇਨ ਸਙ੍ਕਪ੍ਪੇਨ੍ਤੀ ਸਮੁਦਾਯਵੋਹਾਰਮ੍ਪਵਤ੍ਤਯੀਤਿ.

ਣਾਨੁਬਨ੍ਧੇਤਿ ਦਿਤਿਸਦ੍ਦਸ੍ਸ ਸਂਯੋਗਾਵਿਸਯਤ੍ਤਾ ਦੇਚ੍ਚੋਤਿ ‘ਸਰਾਨਮਾਦਿਸ੍ਸਾ’ਤਿ ਵਿਸਯੋ, ਉਲ਼ੁਮ੍ਪਸਦ੍ਦਸ੍ਸ ਸਂਯੋਗਵਿਸਯਤ੍ਤਾ ਓਲ਼ੁਮ੍ਪਿਕੋਤਿ ਏਤਸ੍ਸ ਵਿਸਯੋਤਿ ਤਤ੍ਥ ਰਾਘਵੋ ਵੇਨਤੇਯ੍ਯੋ ਮੇਨਿਕੋ ਦੇਚ੍ਚੋ ਦੋਸਗ੍ਗਾਨ੍ਤਿ ਰੂਪਾਨਿ. ਇਧ ਤੁ ਓਲ਼ੁਮ੍ਪਿਕੋ ਕੋਣ੍ਡਞ੍ਞੋਤਿ ਯੁਜ੍ਜਨ੍ਤਿ. ਤੇਨੇਵ ਚ ਤਤ੍ਥ ਪਞ੍ਚਿਕਾ ਏਤ੍ਥ, ਏਤ੍ਥ ਚ ਪਞ੍ਚਿਕਾ ਤਤ੍ਥ ਉਪਨੇਤਬ੍ਬਾਤਿ.