੭. ਧ੍ਯਾਦਿ

ਪੁਬ੍ਬੇ ਕਿਰਿਯਾਨਿਸ੍ਸਯੇਨ [ਕਾਰਕਨਿਸ੍ਸਯੇਨ (ਪੋਤ੍ਥਕੇ)] ਦੁਤਿਯਾਯ ਵਿਹਿਤਤ੍ਤਾ ਆਹ ‘ਇਦਾਨਿ’ਚ੍ਚਾਦਿ, ਧਿਸਦ੍ਦਸ੍ਸ ਅਤ੍ਥਪ੍ਪਧਾਨ ਨਿਦ੍ਦੇਸੇਨ ਵਾ ਆਦਿਸਦ੍ਦੇਨ ਵਾ ‘ਹਾ ਦੇਵਦਤ੍ਤ’ਨ੍ਤਿਪਿ ਹੋਤਿ, ਹਾ ਦੇਵਦਤ੍ਤਦੁਕ੍ਖਨ੍ਤਿ ਤੁ ਦੁਕ੍ਖੇਨ ਯੋਗਾ ਦੇਵਦਤ੍ਤੇਨ ਨ ਯੁਤ੍ਤੋ ਹੋਤੀਤਿ ਪਠਮਾਵਾਮਨ੍ਤਣੇ. ਨਨੁਚ ਅਨ੍ਤਰਾਸਦ੍ਦੇਨ ਯੋਗੇ ਯਥਾਰਾਜਗਹਨਾਲਨ੍ਦਾਹਿ ਦੁਤਿਯਾ [(ਤਥਾ)] ਅਨ੍ਤਰਾ ਚ ਰਾਜਗਹਂ ਅਨ੍ਤਰਾ ਚ ਨਾ ਲਨ੍ਦ(ਨ੍ਤਿ ਤਥਾ) ਅਨ੍ਤਰਾਮਗ੍ਗੇਤਿ ਏਤ੍ਥ ਮਗ੍ਗਤੋਪਿ [ਅਨ੍ਤਰਾਮਗ੍ਗਤੋਪਿ] ਕਸ੍ਮਾ ਨ ਦੁਤਿਯਾਤਿ ਤੇਨਾਯੋਗਾ, ਯੇਸਞ੍ਹਿ ਤਂਮਜ੍ਝਂ ਤੇ ਤੇਨ ਯੁਜ੍ਜਨ੍ਤੀਤਿ ਤੇਹਿਯੇਵ ਦੁਤਿਯਾ, ਅਥਵਾਬ੍ਭੁਪਗਤੇਪਿ ਤਂਯੋਗੇ ਤਂਸਮ੍ਬਨ੍ਧੀਯੇਵ ਮਗ੍ਗੋਤਿ ਮੁਖ੍ਯਤ੍ਤਾ ਤਤੋ [ਸਬ੍ਬਸ੍ਸ (ਪੋਤ੍ਥਕੇ)] ਨ ਦੁਤਿਯਾ, ਅਤ੍ਰਾਪਿ ਛਟ੍ਠੀਯੇਵ ਪਪ੍ਪੋਤਿ ਅਨ੍ਤਰਾ ਤਞ੍ਚ ਮਞ੍ਚ ਕਮਣ੍ਡਲੁਇਤਿ, ਤਵ ਮਮ ਮਜ੍ਝੇ ਕਮਣ੍ਡਲੁਤ੍ਯਤ੍ਥੋ, ਅਥ ਕਮਣ੍ਡਲੁਸਦ੍ਦਤੋ ਦੁਤਿਯਾ ਕਸ੍ਮਾ ਨ ਭਵਤਿ ਸਤੀਪ੍ਯਨ੍ਤਰੇਨ ਯੋਗੇ ਤਸ੍ਸ ਪਧਾਨਤ੍ਤਾ, ਤਥਾਹਿ ਕਮਣ੍ਡਲੁਨੋ ਸਕਤ੍ਥਾ ਪਵਤ੍ਤਿ, ਤੁਮ੍ਹਮ੍ਹਾਨਨ੍ਤੁ ਪਰਤ੍ਥਾ-ਕਮਣ੍ਡਲੁਵਿਸੇਸਨਤ੍ਤੇਨ ਤੇਸਂ ਪਵਤ੍ਤਤ੍ਤਾ, ਤਤ੍ਰ ਕਮਣ੍ਡਲੁਨੋ ਸਕਤ੍ਥੇ ਵਤ੍ਤਮਾਨਤ੍ਤਾ ਪਧਾਨਤ੍ਤੇਨਾਵਤਤ੍ਤਾ ਪਾਟਿਪਦਿਕਤੋ ਅਚ੍ਚੁਤਤ੍ਤਾ ਪਰਤ੍ਤਾ ਪਠਮੇਵ ਭਵਤੀਤਿ ਜੀਨਿਨ੍ਦਬੁਦ੍ਧਿਨ੍ਯਾਸ. ਨਿਨ੍ਦਾਦਿ ਲਕ੍ਖਣਸ੍ਸ ਸਮ੍ਬਨ੍ਧਸ੍ਸ ਸਬ੍ਭਾਵਾ ਸਬ੍ਬਤ੍ਥ ਸਮ੍ਬਨ੍ਧਛਟ੍ਠਿਯਾ ਸਮ੍ਪਤ੍ਤਾਯਂ ਵਚਨਂ, ਆਕਤਿਗਣੋ-ਯਂ.