੨੩੨. ਅਪਾ

ਨੇਨਾਤਿ ਨਕਾਰੇਨ, ਪਦਸਞ੍ਞਾਵਿਧਾਯ ਕਵਚਨਾਭਾਵੇਪੀਤਿ ਪਾਣਿਨਿ ਯਾਨਮਿਵ ਸ੍ਯਾਦਿਤ੍ਯਾਦ੍ਯਨ੍ਤਾਨਂ ਪਦਸਞ੍ਞਾਵਿਧਾਯਕਸ੍ਸ ਸੁਤ੍ਤਸ੍ਸ ਅਭਾਵੇਪਿ, ਅਨ੍ਵਤ੍ਥਵਸੇਨ ਪਦਨ੍ਤਿ ਗਯ੍ਹਮਾਨੇ ਅਤਿਪ੍ਪਸਙ੍ਗੋਪਿ ਸਿਯਾਤਿ ਆਹ-‘ਰੁਲ਼੍ਹਿਯਾਵਾਤਿਪ੍ਪਸਙ੍ਗਾ ਭਾਵੋ’ਤਿ, ਆਖ੍ਯਾਤਂ ਸਾਬ੍ਯਯਕਾਰਕ ਵਿਸੇਸਨਂ ਵਾਕ੍ਯਨ੍ਤਿ ਕੇਚਿ, ਏਕਾਖ੍ਯਾਤਿਕਂ ਵਾਕ੍ਯਨ੍ਤ੍ਯਪਰੇ, ਤਂ ਸਬ੍ਬਂ ਏਕਤੋ ਸਙ੍ਗਹੇਤ੍ਵਾ ‘ਪਦਸਮੂਹੋ ਵਾਕ੍ਯ’ਨ੍ਤਿ ਵੁਤ੍ਤਿਕਾਰੇਨ ਵੁਤ੍ਤਨ੍ਤਿ ਦਸ੍ਸੇਤੁਮਾਹ- ‘ਸਾਬ੍ਯਯੇ’ਚ੍ਚਾਦਿ, ਆਖ੍ਯਾਤਂ ਤ੍ਯਾਦ੍ਯਨ੍ਤਮਾਹੁ, ਅਬ੍ਯਯਮਸਙ੍ਖ੍ਯਂ, ਆਖ੍ਯਾਤਂ ਸਾਬ੍ਯਯਂ ਸਕਾਰਕਂ ਸਵਿਸੇਸਨਞ੍ਚ ਵਾਕ੍ਯੇਸਞ੍ਞਂ ਭਵਤੀਤ੍ਯਤ੍ਥੋ, ਵਿਸੇਸਨਨ੍ਤਿ ਕਾਰਕਵਿਸੇਸਨਸ੍ਸ ਕਿਰਿਯਾ ਵਿਸੇਸਨਸ੍ਸ ਚ ਸਾਮਞ੍ਞੇਨ ਗਹਣਂ, ਸਾਬ੍ਯਯਂ-ਸਦ੍ਧਿਂ ਵਚਤਿ, ਸਕਾਰਕਂ ਓਦਨਂ ਪਚਤਿ ਦੇਵਦਤ੍ਤੋ ਪਚਤਿ, ਸਕਾਰਕਵਿਸੇਸਨਂ-ਮੁਦੁਂ ਵਿਸਦਮੋਦਨਮ੍ਪਚਤਿ, ਦਸ੍ਸਨੀਯੋ ਦੇਵਦਤ੍ਤੋ ਪਚਤਿ, ਸਕਿਰਿਯਾਵਿਸੇਸਨਂ- ਮੁਦੁਂ ਪਚਤਿ, ਮਨ੍ਦਂ ਪਚਤਿ, ਪਦਸਮੂਹੋ ਵਾਕ੍ਯਨ੍ਤਿ ਵੁਤ੍ਤੇ ਅਯਮ੍ਪਿ ਅਧਿਪ੍ਪਾਯਵਿਸੇਸੋਵਸੀਯਤੀਤਿ ਵਤ੍ਤੁਮਾਹ-ਵਤ੍ਤੁ’ਮਿਚ੍ਚਾਦਿ, ਯਥੇਚ੍ਚਾਦਿਨਾ ਅਨੇਕਾਖ੍ਯਾਤਿ ਕਮ੍ਪਿ ਗੁਣਪ੍ਪਧਾਨਭਾਵੇ ਨੋਪਕਾਰਤੋ ਵਾਕ੍ਯਮੇਕਮ੍ਭਵਤਿ… ਪਦ ਸਮੂਹੋ ਵਾਕ੍ਯਨ੍ਤਿ ਵੁਤ੍ਤਤ੍ਤਾਤਿ ਵਦਤਿ, ਯਥਾ ਵਾਕ੍ਯਨਾਨਤ੍ਤਨ੍ਤਿ ਸਮ੍ਬਨ੍ਧੋ. ਇਹਾਪੀਤਿ ਵਤ੍ਤੁਮਿਚ੍ਛਿਤਤ੍ਥੇਤ੍ਯਾਦੋਪਿ.