૨. પચ્ચનીકાનુલોમવણ્ણના

૧૪. અનુલોમપઞ્ચકસ્સાતિઆદિમ્હિ અટ્ઠકથાવચને. પુન તત્થાતિ યથાવુત્તે અટ્ઠકથાવચને, તેસુ વા અનુલોમપઞ્ચકપચ્ચનીકેસુ. સબ્બત્થ પુગ્ગલો નુપલબ્ભતીતિઆદિકસ્સ પાઠપ્પદેસસ્સ અત્થો ‘‘સરીરં સન્ધાયા’’તિઆદિના અટ્ઠકથાયં વુત્તનયેન વેદિતબ્બો અત્થો. પટિકમ્માદિપાળિન્તિ પટિકમ્મનિગ્ગહઉપનયનનિગમનપાળિં. તીસુ મુખેસૂતિ ‘‘સબ્બત્થા’’તિઆદિના વુત્તેસુ તીસુ વાદમુખેસુ. પચ્ચનીકસ્સ પાળિ વુત્તાતિ સમ્બન્ધો. તન્તિ પાળિં. સઙ્ખિપિત્વા આગતત્તા સરૂપેન અવુત્તે. સુદ્ધિક…પે… વુત્તં હોતિ તત્થ ‘‘સબ્બત્થા’’તિઆદિના સરીરાદિનો પરામસનં નત્થિ, ઇધ અત્થીતિ અયમેવ વિસેસો, અઞ્ઞં સમાનન્તિ.

સચ્ચિકટ્ઠવણ્ણના નિટ્ઠિતા.