૧૧. દુતિયસઙ્ઘભેદસિક્ખાપદવણ્ણના

૪૧૭-૪૧૮. એકાદસમે યં વચનં સમગ્ગેપિ વગ્ગે અવયવભૂતે કરોતિ ભિન્દતિ, તં કલહકારકવચનં ઇધ વગ્ગન્તિ વુચ્ચતીતિ આહ ‘‘વગ્ગં અસામગ્ગિપક્ખિયવચનં વદન્તી’’તિ. અસામગ્ગિપક્ખે ભવા અસામગ્ગિપક્ખિયા, કલહકા. તેસં વચનં અસામગ્ગિપક્ખિયવચનં, અસામગ્ગિપક્ખે વા ભવં વચનં અસામગ્ગિપક્ખિયવચનં. યસ્મા ઉબ્બાહિકાદિકમ્મં બહૂનમ્પિ કાતું વટ્ટતિ, તસ્મા ‘‘ન હિ સઙ્ઘો સઙ્ઘસ્સ કમ્મં કરોતી’’તિ ઇદં નિગ્ગહવસેન કત્તબ્બકમ્મં સન્ધાય વુત્તન્તિ વેદિતબ્બં. અઙ્ગાનિ પનેત્થ ભેદાય પરક્કમનં પહાય અનુવત્તનં પક્ખિપિત્વા હેટ્ઠા વુત્તસદિસાનેવ.

દુતિયસઙ્ઘભેદસિક્ખાપદવણ્ણના નિટ્ઠિતા.