૪. ચતુત્થસઙ્ઘાદિસેસસિક્ખાપદવણ્ણના

૬૯૪. ચતુત્થે કારકગણસ્સાતિ ઇમસ્સ કમ્મં કાતબ્બન્તિ યેહિ સન્નિટ્ઠાનં કતં, તે સન્ધાય વુત્તં. કમ્મવાચક્ખણે સહઠિતેતિ કેચિ. નેત્થારવત્તેતિ નિત્થરણહેતુમ્હિ વત્તે.

૬૯૮. પાળિયં અસન્તે કારકસઙ્ઘેતિ એત્થ વિજ્જમાનં સુદૂરમ્પિ ગન્ત્વા આપુચ્છિતબ્બં. અન્તરાયે પન સતિ સમ્મા વત્તન્તં ઓસારેતું વટ્ટતીતિ. ધમ્મકમ્મેન ઉક્ખિત્તતા, અનનુઞ્ઞાતકારણા ઓસારણન્તિ દ્વે અઙ્ગાનિ.

ચતુત્થસઙ્ઘાદિસેસસિક્ખાપદવણ્ણના નિટ્ઠિતા.