૭. ગબ્ભિનિવગ્ગવણ્ણના

૧. પઠમાદિસિક્ખાપદવણ્ણના

૧૦૬૭. ‘‘ગબ્ભિનિ’’ન્તિ દસ્સનાદીહિપિ ગબ્ભસમ્ભવતો વુત્તં. પદભાજનેપિ પવારિતભાવો ન દિસ્સતિ.

૧૦૭૪. ધાતિ વાતિ એત્થ દારકં સામિકાનં દત્વા આહટે વડ્ઢેતિ, તથા માતાપીતિ કેચિ.

૧૦૮૦. ‘‘સિક્ખમાન’’ન્તિ પાઠં દીપવાસિનો રોચેન્તિ કિરિયાકિરિયત્તા, જમ્બુદીપવાસિનો ‘‘સિક્ખમાના’’તિ. તસ્સત્થો સિક્ખાધમ્મમાનનતો સિક્ખમાનાતિ. ઇધ કિરિયા ન હોતિ, સઞ્ઞાવ અધિપ્પેતા. ન એતાસુ અસિક્ખિતા ઉપસમ્પાદેતબ્બા ઉપજ્ઝાયિનીઆદીનં આપત્તિભાવા. ‘‘તસ્સા ઉપસમ્પદા હોતિ એવા’’તિ વદન્તિ.

૧૦૮૨. ધમ્મકમ્મેતિ ઉપસમ્પદકમ્મં અધિપ્પેતં.

૧૧૧૨. વુટ્ઠાપિતન્તિ સામણેરિભૂમિતો યાય થેરિયા ઉપસમ્પદાપેક્ખા વુટ્ઠપિતા, સા થેરી વુટ્ઠાપિતા નામ, તેનેવ પુન વિસેસનત્થં ‘‘પવત્તિનિ’’ન્તિ આહ.

પઠમાદિસિક્ખાપદવણ્ણના નિટ્ઠિતા.

ગબ્ભિનિવગ્ગવણ્ણના નિટ્ઠિતા.